Еврокомиссия раҳбари Урсула фон дер Ляйен сентябрь ойида Енс Столтенберг ваколати тугаши муносабати билан НАТОнинг янги бош котиби лавозими учун курашда иштирок этмоқчи. Бу ҳақда The Sun газетаси манбаларга таяниб хабар берди.
Манбаларда айтилишича, НАТОга аъзо давлатлардан айримлари октябрь ойидаёқ фон дер Ляйенни алянсга раҳбарлик қилишга чақирган. Шу билан бирга, унинг Еврокомиссия раиси сифатидаги ваколатлари кейинги йилдагина тугайди.
Нашрнинг таъкидлашича, фон дер Ляйеннинг тайинланишига евроскептиклар, биринчи навбатда, Буюк Британия томонидан қаршилик кўрсатилиши мумкин. Лондон НАТОнинг бошқа аъзолари эътиборини фон дер Ляйеннинг 2013—2019 йилларда Германия Мудофаа вазирлигида ишлаган пайтидаги паст кўрсаткичларига қаратмоқчи.
Бунга қадар ОАВ Эстония бош вазири Кая Каллас, Канада бош вазири ўринбосари ва молия вазири Христи Фриланд ва Буюк Британия мудофаа вазири Бен Уоллеснинг НАТО бош котиби лавозимига даъвогарлар сифатида кўрилаётгани ҳақида хабар берганди.
Изоҳ (0)