Европол Россиянинг Украинадаги ҳарбий жиноятларида гумон қилинган 150 нафар шахсни аниқлади

Европол 7 000 та фотосурат ва видеони таҳлил қилиб, Россиянинг Украинадаги ҳарбий жиноятларида гумон қилинган 150 нафар шахсни аниқлашга муваффақ бўлди. Бу ҳақда Европол ижрочи директори Катрин де Боллега таяниб, “Ukrinform” хабар берди.

“Биз Европолда 7000 та фотосурат, видеотасвир ва 550 та гувоҳномани таҳлил қилдик. Уруш жиноятларида гумон қилинган 150 нафар шахсни аниқлашга муваффақ бўлдик”, — деди Де Болле.

У Европол Россиянинг Украинадаги ҳарбий жиноятларини тергов қилишга, маълумот тўплашга ва айбланувчиларни аниқлашга катта аҳамият беришини таъкидлади.

“Биз маълумотлар билан ишлаяпмиз, турли давлатлардан келаётган ва ўзимизда мавжуд турли маълумотлар ўртасида алоқа ўрнатишга ҳаракат қилмоқдамиз. Бу Украина бош прокурори, Украина ҳуқуқ-тартибот идоралари ходимлари, шунингдек, Халқаро жиноий суд учун асосий ёрдамимиздир”, — деди у.

Эслатиб ўтамиз, Халқаро жиноят суди ва Украина Бош прокуратураси ҳарбий жиноятларга оид аниқ жиноий ишларни тергов қилиш учун қўшма ишчи гуруҳлар тузади.