Ўзбекистоннинг Швециядаги муваққат ишлар вакили Нодир Ғаниев Уппсала ва Сёдертёрн университетлари профессори, тарих ва география фанлари бўйича мутахассис Марк Бассин билан учрашди. Бу ҳақда “Дунё” агентлиги хабар берди.
Қайд этилишича, мулоқот чоғида Ўзбекистонда сўнгги йиллар давомида инсон ҳуқуқлари, сўз эркинлиги, гендер тенглиги ва қонун устуворлигини таъминлаш борасида эришилган аниқ натижалар, шунингдек, мамлакат Конституциясига киритилаётган ўзгаришлар ва 30 апрель куни бўлиб ўтадиган умумхалқ референдумига доир батафсил маълумотлар суҳбатдошнинг эътиборига ҳавола қилинган.
Музокаралар давомида Ўзбекистон олий таълим муассасалари, жумладан, Жаҳон иқтисодиёти ва дипломатия университети ҳамда Швеция университетлари ўртасида ҳамкорлик алоқаларини йўлга қўйиш истиқболлари муҳокама қилинган.
Учрашув якунида ўзаро алоқаларни давом эттириш ҳамда Марк Бассиннинг Ўзбекистонга амалий сафарини ва унинг доирасида республика олий таълим муассасалари мутасаддилари билан икки томонлама учрашувларни ташкил этиш масаласини биргаликда ишлаб чиқишга келишиб олинган.
Аввалроқ Quacquarelli Symonds — QS World University Rankings Rankings халқаро рейтинг агентлиги 2023 йилги дунё университетларининг “Фан соҳалари рейтинги” (Subject Rankings) натижаларини эълон қилгани ва Ўзбекистоннинг икки университети ушбу рейтингдан ўрин олгани тўғрисида хабар берилганди.
Изоҳ (0)