Тошкент шаҳрининг Шота Руставели кўчасида юз берган йўл-транспорт ҳодисасида Malibu автомобили вертикал ҳолатда дарахтга “осилиб” қолди. Бу ҳақда пойтахт ИИББ ЙҲХБ ахборот хизмати хабар берди.
Қайд этилишича, 26 март куни соат тахминан 21:00 ларда Жиноят ишлари бўйича Яккасарой туман суди қаршисида 21 ёшли А.Ш. бошқарувидаги Malibu-2 русумли автомашинаси ЙТҲга учраган. Ҳайдовчи машинани бошқариб келаётиб рул бошқарувини йўқотган ва йўл четидаги тўсиққа урилган.
Malibu ичида бўлган 17 ёшли йўловчи А.А.га шифокорлар томонидан биринчи ёрдам кўрсатилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Изоҳ (0)