Тошкентда тадбиркор аёлларнинг Халқаро форуми ўтказилади 

Саида Мирзиёева Глобал хотин-қизлар муаммолари бўйича АҚШ Давлат котиби офиси қошида алоҳида топшириқлар бўйича элчи вазифасини бажарувчи Катрина Фотоват билан учрашди. 

Маълум қилинишича, учрашув изларнинг таълим олишига бағишланди. Элчи Ўзбекистон доирасидан чиқиб, Афғонистоннинг таълим соҳасидаги муаммоларига ҳам тўхталиб ўтди. 

“Чунки бу давлат тақдири, унинг келажаги учун бизнинг мамлакатимиз ҳам бефарқ эмас. Катрина Фотоват Ўзбекистонда қизлар ва аёлларни ўқитиш, уларнинг салоҳиятини юзага чиқариш имкониятини бериш учун қилинаётган саъй-харакатларни юқори баҳолади. Шу билан бирга, Афғонистондаги қизларни онлайн-ўқитиш имкониятларини ҳам муҳокама қилдик, зеро, онлайн таълим орқали мураккаб ижтимоий ва сиёсий шароитда билим олишни истовчилар қамровини кенгайтириб, уларнинг таълим орқали эришмоқчи бўлаётган орзу-ниятлари ва умидларини рўёбга чиқариш имкониятини яратиш мумкин”, — дейди Саида Мирзиёева.

Шунингдек, апрель ойида Тошкентда тадбиркор аёлларнинг Халқаро форуми ўтказилиши ҳам маълум қилинди. 

“Тошкентда ўтказилиши режалаштирилаётган С5+1 (Марказий Осиё давлатлари ва АҚШ) форматидаги тадбиркор аёлларнинг Халқаро форуми минтақа миқёсида хотин-қизларнинг иқтисодий ҳуқуқ ва имкониятларини кенгайтиришга бағишланган масалаларни ҳал этиш ва давлатлараро алоқаларни мустаҳкамлаш учун янада аҳамиятли бўлади”, — деди Саида Мирзиёева.