Почта қутисидан кейинги сафар реклама газетасини топсангиз, уни чиқинди челагига ташлашга шошилманг, у сизга керак бўлади. Ошхона учун бу оддий лайфхак кўплаб уй бекалари томонидан қўлланилади.
Шу пайтга қадар қайси уй бекаси музлатгичда ёқимсиз ҳидга дуч келмади? Сабзавотлар бўлмасида сотиб олинганига бир неча кун бўлган гўшт ёки нордон таъм ҳосил қилган сут, албатта, топилади. Шундай ҳолларда музлатгич эшигини очиш билан бурнимизга ачимсиқ ҳид тўлқини келиб урилади. Ҳа, бузилган маҳсулотни ташлаб юборамиз. Аммо баъзида тортма ва жавонларни бирма-бир ювиш ҳам ёрдам бермайди: ҳид деворларга сингиб кетганга ўхшайди.
Озиқ-овқатларни чиқариб олиб, музлатгични обдон эритиш ва ҳиднинг тарқалиши учун эшикни бир неча кун очиқ қолдириш ҳар доим ҳам бажариб бўлмайдиган юмуш. Яхши ҳамки, музлатгичдаги ёқимсиз ҳиддан халос бўлишга ёрдам берадиган жуда оддий ҳаётий ҳийла мавжуд. Сизга ликопча, бир нечта газета саҳифалари ва гулга сув пуркагич керак бўлади.
Катта ҳажмли, жуда зич бўлмаган қисм ҳосил қилиш учун бир нечта газета варақларини очинг ва майдаланг. Газетани ликопчага солинг, шунда уни музлатгичга қўйиш осонроқ бўлади ва нам бўлганда ўзидан из қолдирмайди. Кейин газетани ҳиди бузилган бўлмага қўйинг ва устида сув сепинг. Ҳўл бўлган газета ёқимсиз ҳидни ўзига сингдириши керак. Уни музлатгичдан олиб ташлаганингизда, музлатгичдан яна тоза ҳаво ва сабзавотларнинг ҳиди сезилади. Жараён тахминан 12 соат давом этади.
Нам газета — уй бекалари музлатгичдаги бадбўй ҳиддан халос бўлиш учун фойдаланадиган ягона халқона усул эмас. Худди шу мақсадда қадоғи очиқ истеъмол содаси ишлатилади (қўллашдан кейин уни озиқ-овқат учун ишлатиш тавсия этилмайди, лекин ёқимсиз ҳидларни зарарсизлантириш ва мураккаб ифлослантирувчи моддаларни тозалаш учун фойдаланишни давом эттирса бўлади). Совитгич ёқимли ҳидга эга бўлиши учун айрим уй бекалари у ерда қора чойнинг бир дона пакетини қўйишни маслаҳат беришади.
Бошқа уй бекалари бу мақсадлар учун жавдар нонининг усти қисми, яримта тозаланган картошка ёки фаол кўмирдан фойдаланишни маслаҳат беради.
Албатта, музлатгичда ёқимсиз ҳид пайдо бўлишини олдини олган афзал. Совитгичдан нохуш ҳид келмаслиги учун:
- Ҳар хил турдаги сабзавотларни алоҳида-алоҳида, яхши ҳаво айланадиган идишларда сақланг;
- Сабзавот ва кўкатларни музлатгичга қўйишдан олдин уларни текширинг, ювинг ва артиб олинг ёки қуритинг;
- Гўштни ўзининг ўралган қадоғидан чиқариб олинг ва шиша, керамика, металл идишга қўйиб қопқоқ ёки плёнка билан устини ёпинг;
- Музлатгични ҳаддан ташқари тўлдириб юборманг — ҳаво айланиши учун жой қолдиринг;
- Музлатгичда “тозалик зонаси” бўлса, ишлаб чиқарувчининг сақлаш бўйича тавсияларига амал қилинг;
- Маҳсулотларнинг яроқлилик муддатини кузатиб боринг: янги парранда гўшти икки кундан, гўштни беш кундан ортиқ сақлаш мумкин эмас;
- Тайёр овқатни музлатгичда бир кундан ортиқ сақламаслик лозим.
Агар юқоридаги тавсияларга ҳали амал қилмаган бўлсангиз ва музлатгичда айниган маҳсулотга дуч келсангиз, ҳўл газета ёрдамга келади. Дарвоқе, газета нафақат музлатгичга, балки дуд бўронига ҳам таъсир қилади. Агар эски дуд бўрон ўткир “ошхона” ҳидига дош бера олмаётган бўлса, газетадан фойдаланинг. Уни озгина идиш-товоқларни ювиш гели қўшилган сувга солинг. Кейин ортиқча сувни сиқиб олинг ва ошхонадаги батареяда бир кечада қолдиринг. Кечаси билан нам қоғоз барча нохуш ҳидларни ўзлаштириб олади.
Мавзуга доир:
Изоҳ (0)