Шпицберген губернатори Ларс Фауз Голливуд актёри Том Крузнинг жамоасига “Уддалаб бўлмас топшириқ 8” фильмининг суратга олиш жараёнлари учун керак бўлган архипелагга вертолёт қўнишига рухсат бермади. Бу ҳақда “Правила жизни” нашри хабар бермоқда.
Круз Шпицбергенда янги блокбастернинг бир нечта саҳналарини суратга олишни режалаштирган. Фильм ижодкорлари Норвегия расмийларидан 30 та вертолёт қўнишига рухсат сўраган.
Губернатор рад жавобини маҳаллий табиатга зарар етказишини истамаслиги билан изоҳлади. Шунингдек, атроф-муҳит масалалари департаменти лойиҳа ижодкорларига мансабдор шахсларнинг вазифаси “Шпицбергендаги зарар етмаган муҳитни” сақлаб қолиш эканини тушунтирди.
“Архипелагда саёҳат қилиш инсонлар ва ҳайвонларга ортиқча ноқулайлик туғдирмайдиган тарзда амалга оширилиши керак”, — дейди департмент аъзоси.
“Уддалаб бўлмас топшириқ” фильми ижодкорлари Норвегия ҳукумати қарори устидан шикоят қилмоқчи. Том Круз иштирокидаги ушбу фильмининг саккизинчи қисми премераси 2024 йилда бўлиб ўтади. Лойиҳага Кристофер Маккуарри режиссёрлик қилмоқда.
Изоҳ (0)