Токиода “Гарри Поттер”га бағишланган дунёдаги энг йирик кўргазма-аттракциони очилади

16 июнь куни Токиода “Гарри Поттернинг яратилиши” (The Making of Harry Potter) кўргазма-аттраксиони очилади, у ерга ташриф буюрувчилар Гарри Поттер ҳақидаги фильмларнинг қайта ишланган қисмларини томоша қилиши мумкин, деб хабар бермоқда “Правила жизни” нашри.

Кўргазма “Гарри Поттер”га бағишланган дунёдаги энг катта ёпиқ жой ҳисобланади ва уни айланиб чиқиш учун тахминан тўрт соат керак бўлади.

Туристлар турли манзараларни, жумладан, Хогварцнинг катта зали, Диагон хиёбонини, тақиқланган ўрмон манзарасини ва 9 ¾ платформасини кўриши мумкин.

Шунингдек, кўргазмага ташриф буюрган инсонлар супургига миниб кўриши, сариёғли пивони татиб кўриши, Хогвартс залларида ҳаракатланувчи портретларни томоша қилиши, Хогвартс Экспресс поездига ўтириши, квиддич ўйнаши ва эсдалик совғаларни сотиб олиши ҳам мумкин.

Кўргазмага ташриф буюрувчилар дунёдаги энг катта “Гарри Поттер”га бағишланган дўкондан ташқари, Британия таомлари сотиладиган турли ресторан ва кафеларга бора олади. Масалан, овқатланиш жойларида балиқ, қовурилган картошка ва мол гўшти, инглизча нонушта, тушдан кейин чой ичса бўлади.

Кўргазма чипталарини 22 мартдан бошлаб харид қилиш мумкин. Чипта нархлари катталар учун 48 доллар, катталар билан келган 12-17 ёшли ўсмирлар учун 39 доллар, болалар учун эса 29 долларни ташкил қилади.