Еврокомиссия россиялик таниқли олигархларнинг оила аъзоларига нисбатан санкциялар қўллаш имконини берувчи янги ҳуқуқий ҳужжат тайёрламоқда. Бу ҳақда Politico хабар берди.
Европа Иттифоқининг (ЕИ) исми ошкор этилмаган уч дипломати бу бўйича маълумот берган. Еврокомиссия ЕИ мамлакатларига россиялик олигархлар оила аъзоларини рўйхатга киритиш мезонлари устида ишлаётгани ҳақида маълум қилган.
ЕИ санкцияларида етакчи бўлган Польша ва Болтиқбўйи давлатлари февраль ойида худди шундай схемани таклиф қилганди. Ўшанда Еврокомиссия Польша ҳукуматига Россияга қарши ўнинчи санкциялар пакетини имзолаш эвазига таклифни кўриб чиқишга ваъда берган. Дипломатларнинг айтишича, олигархларга қарши қўлланиладиган аниқ мезон ва муддат номаълум.
Олий суд, Европа Иттифоқи Кенгашининг қариндошлар ўртасидаги бизнес алоқалари ҳақидаги аргументларига қарамай, умумий оила асосида уларга қарши виза беришни тақиқлаш ва активларни музлатиш ноқонуний деб топган.
Изоҳ (0)