Қозоғистоннинг KazTransOil компанияси 2023 йил давомида Ўзбекистонга 250 минг тонна Россия нефтини транзит қилишни режалаштирмоқда. Бу ҳақда компания матбуот хизмати хабар берди.
Қозоғистон Энергетика вазирлиги томонидан тасдиқланган нефть етказиб бериш жадвалига мувофиқ, март ойида KazTransOil Омск—Павлодар—Чимкент—Шағир нефть юклаш стенд йўналиши бўйича Ўзбекистонга 25 минг тонна Россия нефтини ташишни режалаштирмоқда.
2023 йилда KazTransOil магистрал нефть қувурлари тизими орқали Ўзбекистонга Россия нефти транзитининг кутилаётган ҳажми 250 минг тоннани ташкил этади.
Аввалроқ Ўзбекистонга нефть транзити учун Россия Қозоғистонга қанча тўлаши ҳақида хабар берилганди.
Норезидентлар учун Қозоғистон ҳудуди орқали Ўзбекистонга транзит мақсадида Россиядан келиб чиққан нефтни ташиш нархи бир тонна учун 25,12 долларни ташкил этади (ҚҚСсиз).
Унга ушбу йўналиш бўйлаб нефтни қуйиш нархи — 1000 км учун 12,85 доллар (ҚҚСсиз) бир тонна учун 24,28 доллар ва Шағир нефть қуйиш станциясида темирйўл цистерналарига қуйиш тарифи – 1 тонна учун 0,84 доллар (ҚҚСсиз).
KazTransOil Россия нефтини Ўзбекистонга транзит қилишни 2017 йилнинг ноябрида бошлаган: 2017 йил сентябр ойида Қозоғистон ва Ўзбекистон ҳукуматлари энергетика соҳасидаги ҳамкорликнинг айрим масалалари бўйича доиравий битим имзолаган эди.
Изоҳ (0)