Ўзбекистон ва Тожикистон чегарасида “Андархон” савдо-логистика маркази қурилиши бошланди. Бу ҳақда “Ховар” хабар бермоқда.
13 март куни марказ қурилишининг очилиш маросими бўлиб ўтди. Унда Фарғона вилояти ҳокими Хайрулло Бозоров, Тожикистон элчиси Абдужаббор Раҳмонзода, Тожикистоннинг Сўғд вилояти делегацияси ва вилоятлар тадбиркорлари иштирок этди.
Фарғона вилояти ҳокимлигига кўра, “Андархон” савдо-логистика маркази 5 гектар майдонда қурилади. Лойиҳа қурилишига 7,8 миллион доллар миқдорида маҳаллий инвестиция киритилиши режалаштирилган.
Маълумотларга кўра, мажмуада 200 та савдо растаси, банк, ошхона, кафе, меҳмонхона ва логистика маркази ўрин олади.
Марказ ишга туширилиши билан унда икки давлат корхоналарида ишлаб чиқарилаётган маҳсулотлар жойлаштирилади. Бу жойда хизмат кўрсатиш соҳасида минг нафар аҳоли бандлигини таъминлаш режалаштирилмоқда.
Аввалроқ Ўзбекистон 2022 йилда қайси Марказий Осиё давлатлари билан энг кўп савдо қилгани маълум бўлгани ҳақида хабар берилганди.
Изоҳ (0)