“Ўзбекистон Республикаси Конституцияси тўғрисида”ги Конституциявий қонун лойиҳаси матни эълон қилинди.
.jpg)
Қонун лойиҳаси “Халқ сўзи” ва “Народное слово” газеталарининг 15 март кунги сонида эълон қилинди. Қонун лойиҳаси 6 бўлим, 155 моддадан иборат. Конституциявий қонун референдум якунлари Марказий сайлов комиссияси томонидан расмий эълон қилинган кундан эътиборан кучга киради.
Конституцияга ўзгартиришлар киритиш юзасидан берилган таклифлардан бири – ихчам ва халқчил давлат бошқаруви жорий қилиниши. Мамлакатда парламентаризмни кучайтириш сари дадил қадам қўйилмоқда. Янгиланаётган Конституция халқпарвар давлат қуриш мақсадида кучли парламент, ихчам ва масъулиятли ҳукумат, мустақил ва адолатли суд тизимини барпо этишга қаратилган.
Конституциявий қонун кучга киргунига қадар Ўзбекистон ҳудудида амалда бўлган қонунлар ва бошқа норматив-ҳуқуқий ҳужжатлар ушбу Конституциявий қонун таҳриридаги мамлакат Конституциясига зид бўлмаган қисмида қўлланади.
Конституциявий қонун таҳриридаги Ўзбекистон Конституцияси нормалари тегишли қонунлар ва бошқа норматив-ҳуқуқий ҳужжатлар қабул қилинишидан ёки мавжудлигидан қатъи назар, Конституциявий қонун кучга кирган пайтдан эътиборан тўғридан тўғри амал қилади.
Эслатиб ўтамиз, Олий Мажлис Сенати 14 март куни бўлиб ўтган мажлисда янги таҳрирдаги Конституция тўғрисидаги қонун лойиҳаси бўйича референдум ўтказиш тўғрисидаги қарорни маъқуллаганди.
Изоҳ (0)