Хитой бутун мамлакат ҳудудини бирлаштиришга эришиши керак, деди Хитой халқ республикаси раиси Си Цзиньпин Бутунхитой халқ вакиллари кенгашининг 14-чақириқ биринчи сессияси якуний йиғилишида сўзлаган нутқида. Sinxua унинг сўзларидан иқтибос келтирди.
“Биз буюк мақсад — ‘Бир давлат, икки тизим’ моделини ва ватанни бирлаштиришни қатъий тарғиб қилишимиз керак. Кучли мамлакат қуриш Гонконг ва Макаонинг (Хитойнинг махсус маъмурий ҳудудлари) узоқ муддатли фаровонлиги ва барқарорлигидан ажралмайди. Ватанни тўлиқ бирлаштириш мақсади барча хитойлик ўғил-қизларнинг умумий истаги ва миллий тикланишни англатади”, — деди Си Цзиньпин.
“Пекин Тайван бўғозининг ҳар икки томонидаги муносабатларни тинч йўл билан ривожлантиришга интилади ва ташқи аралашув ва сепаратизмга қарши туради”, — дея қўшимча қилди у.
Тайван 1949 йилда Хитойдан мустақиллигини эълон қилган. Пекин ҳамон оролни ўзининг бўлгинчи вилояти деб билади. Бироқ Тайпей ХХР таклиф қилган “Бир давлат, икки тизим” моделини рад этиб келади.
Хитой миллий мудофаа стратегиясини акс эттирувчи Оқ китобида қайта бирлашишга қаратилган тинчлик саъй-ҳаракатларида ўсиш бўлмаса, Тайван муаммосини куч билан ҳал қилишни истисно этмаган. Хусусан, ташқи кучлар ва орол давлатнинг мустақиллигини қўллаб-қувватловчиларнинг эҳтимолий аралашуви билан бундай қарор қабул қилиниши мумкин.
Маълумот учун, март ойида 2012 йилдан бери ХХР раиси лавозимида ишлаб келаётган Си Цзиньпин кетма-кет учинчи муддатга қайта сайланди. ХХР давлат кенгаши бош вазири лавозимини эса Шанхай собиқ етакчиси, Си Цзиньпинга яқин Ли Сиян эгаллади.
Изоҳ (0)