АҚШнинг Калифорния штатида кучли ёмғир сабаб юзага келган сув тошқинлари оқибатида икки киши ҳалок бўлди, 9,4 минг кишини эвакуация қилишга буйруқ берилди, деб ёзмоқда CNN.
Ушбу рақамлар ҳақида маълумот берган Калифорния Фавқулодда вазиятлар бошқармаси директори Ненси Уорднинг айтишича, АҚШ президенти Жо Байден штат губернатори Гевин Нюсомнинг фавқулодда ҳолат эълон қилиш таклифини маъқуллаган.
АҚШ Миллий об-ҳаво хизмати маълумотларига кўра, Калифорниянинг айрим алоҳида ҳудудларида 30 сантиметрдан ортиқ ёмғир ёғган. Дам олиш кунларида ёғингарчилик давом этади, уларнинг интенсивлиги пасайиб бораётган бўлса-да, янги тошқинлар хавфи сақланиб қолмоқда.
“Қор эришига қўшимча равишда ёмғингарчиликлар сув сатҳининг сезиларли даражада ошишига олиб келиши мумкин, бу эса келаси ҳафта бошида кенг кўламли сув тошқинлари хавфини туғдирмоқда”, — дея огоҳлантирди АҚШ Миллий сув ресурслари маркази.
Муассасанинг таъкидлашича, тошқинлар Калифорниянинг марказий қирғоқларида ва Серра Невада тоғ этакларида катта муаммога сабаб бўлади.
Изоҳ (0)