AQSHning Kaliforniya shtatida kuchli yomg‘ir sabab yuzaga kelgan suv toshqinlari oqibatida ikki kishi halok bo‘ldi, 9,4 ming kishini evakuatsiya qilishga buyruq berildi, deb yozmoqda CNN.
Ushbu raqamlar haqida ma’lumot bergan Kaliforniya Favqulodda vaziyatlar boshqarmasi direktori Nensi Uordning aytishicha, AQSH prezidenti Jo Bayden shtat gubernatori Gevin Nyusomning favqulodda holat e’lon qilish taklifini ma’qullagan.
AQSH Milliy ob-havo xizmati ma’lumotlariga ko‘ra, Kaliforniyaning ayrim alohida hududlarida 30 santimetrdan ortiq yomg‘ir yog‘gan. Dam olish kunlarida yog‘ingarchilik davom etadi, ularning intensivligi pasayib borayotgan bo‘lsa-da, yangi toshqinlar xavfi saqlanib qolmoqda.
“Qor erishiga qo‘shimcha ravishda yomg‘ingarchiliklar suv sathining sezilarli darajada oshishiga olib kelishi mumkin, bu esa kelasi hafta boshida keng ko‘lamli suv toshqinlari xavfini tug‘dirmoqda”, — deya ogohlantirdi AQSH Milliy suv resurslari markazi.
Muassasaning ta’kidlashicha, toshqinlar Kaliforniyaning markaziy qirg‘oqlarida va Syerra Nevada tog‘ etaklarida katta muammoga sabab bo‘ladi.
Izoh (0)