А Серия. Элдор Шомуродов асосий таркибда майдонга тушган ўйинда “Специя” “Интер”ни мағлуб этди 

Футбол бўйича Италия А Сериясининг 26-турида “Специя” ва “Интер” 10 март, жума куни ўзаро баҳс олиб борди.

Учрашув миланликларнинг ҳужумлари билан бошланди. 14-дақиқада “нераззури” фойдасига пенальти белгиланди. Бироқ Лаутаро Мартинес бундан унумли фойдалана олмади. Шу тариқа биринчи бўлим 0:0 ҳисоби билан якунланди.

Қайд этиб ўтиш жоиз, ўйинни асосий таркибда бошлаган ўзбекистонлик футболчи Элдор Шомуродов иккинчи бўлим бошида алмаштирилди. Унинг ўрнини эгаллаган Даниэль Мальдини 55-дақиқада ҳисобни очди. 83-дақиқада эса Ромелу Лукаку пенальтини аниқ амалга ошириб, мувозанатни тиклади. Орадан 4 дақиқа ўтиб, Мбала Нзола яна бир бор мезбонларни ҳисобда олдинга олиб чиқди. Ўйин якунига қадар 2:1 ҳисоби сақланиб қолди.

“Специя” очколари сонини 24 тага етказиб, 17-ўринни банд этиб турибди. “Интер” эса 50 очко билан 2-поғонадан жой олган. 

А Серия

26-тур баҳси

10 март, жума

“Специя” – “Интер” 2:1

Голлар: 1:0 – 55 Мальдини, 1:1 – 83 Лукаку (пенальти), 2:1 – 87 Нзола (пенальти).

“Специя”: Дронговски, Амян, Николау, Калдара, Ампаду, Бурабия, Журковски (Экдал, 46), Агудело (Коваленко, 67), Шомуродов (Мальдини, 46; Висневски, 89), Нзола, Жаси (Ferreр, 81).

“Интер”: Ҳанданович, Дармиан (Карбони, 80), ДъАмброзио (Думфрис, 66), Ачерби, Бастони, Гозенс (Димарко, 66), Мхитарян (Жеко, 66), Брозович, Барелла (Чалҳанўғлу, 66), Лукаку, Мартинес.

Огоҳлантиришлар: Жаси (6), Калдара (12), Николау (71).