Futbol bo‘yicha Italiya A Seriyasining 26-turida “Spetsiya” va “Inter” 10-mart, juma kuni o‘zaro bahs olib bordi.
Uchrashuv milanliklarning hujumlari bilan boshlandi. 14-daqiqada “nerazzuri” foydasiga penalti belgilandi. Biroq Lautaro Martines bundan unumli foydalana olmadi. Shu tariqa birinchi bo‘lim 0:0 hisobi bilan yakunlandi.
Qayd etib o‘tish joiz, o‘yinni asosiy tarkibda boshlagan o‘zbekistonlik futbolchi Eldor Shomurodov ikkinchi bo‘lim boshida almashtirildi. Uning o‘rnini egallagan Daniel Maldini 55-daqiqada hisobni ochdi. 83-daqiqada esa Romelu Lukaku penaltini aniq amalga oshirib, muvozanatni tikladi. Oradan 4 daqiqa o‘tib, Mbala Nzola yana bir bor mezbonlarni hisobda oldinga olib chiqdi. O‘yin yakuniga qadar 2:1 hisobi saqlanib qoldi.
“Spetsiya” ochkolari sonini 24 taga yetkazib, 17-o‘rinni band etib turibdi. “Inter” esa 50 ochko bilan 2-pog‘onadan joy olgan.
A Seriya
26-tur bahsi
10-mart, juma
“Spetsiya” – “Inter” 2:1
Gollar: 1:0 – 55 Maldini, 1:1 – 83 Lukaku (penalti), 2:1 – 87 Nzola (penalti).
“Spetsiya”: Drongovski, Amyan, Nikolau, Kaldara, Ampadu, Burabiya, Jurkovski (Ekdal, 46), Agudelo (Kovalenko, 67), Shomurodov (Maldini, 46; Visnevski, 89), Nzola, Jasi (Ferrer, 81).
“Inter”: Handanovich, Darmian (Karboni, 80), D’Ambrozio (Dumfris, 66), Acherbi, Bastoni, Gozens (Dimarko, 66), Mxitaryan (Jeko, 66), Brozovich, Barella (Chalhano‘g‘lu, 66), Lukaku, Martines.
Ogohlantirishlar: Jasi (6), Kaldara (12), Nikolau (71).
Izoh (0)