“Тошшаҳартрансхизмат” ҳаракат таркиби катта сиғимли автобуслар билан янгиланмоқда, деб хабар беради акциядорлик жамияти матбуот хизмати.
Қайд этилишича, Truck and bus trade group МЧЖ билан тузилган шартномага асосан 27-28 февраль кунлари MAN А22 CNG русумли автобусларнинг навбатдаги 20 донаси ”Тошшаҳартрансхизмат“ АЖ тасарруфига топширилган. Мазкур автобуслардан самарали фойдаланиш мақсадида харид қилинган MAN русумли автобуслар қуйидаги йўналишларда хизмат кўрсатиш учун бириктирилган:
- 1 донаси — “2-Автобус саройи” филиалига бириктирилган 17-сонли Аҳмад Югнакий мавзеси—Чорсу савдо маркази;
- 1 донаси — “2-Автобус саройи” филиалига бириктирилган 63-сонли Қорасув 1-мавзеси—Юнусобод мебел дўкони;
- 1 донаси — “2-Автобус саройи” филиалига бириктирилган 89-сонли Қорасув 1-мавзеси—Чорсу савдо маркази;
- 1 донаси — “2-Автобус саройи” филиалига бириктирилган 96-сонли Юнусобод 9-даҳаси—Машинасозлар метроси;
- 2 донаси — “7-Автобус саройи” филиалига бириктирилган 13-сонли Изза мавзеси—Тошкент МУМ;
- 1 донаси — “7-Автобус саройи” филиалига бириктирилган 41-сонли Чилонзор мавзеси 25-даҳа—Чилонзор буюм бозори;
- 2 донаси — “7-Автобус саройи” филиалига бириктирилган 69-сонли Карвон бозори бекати—Тошкент вокзали;
- 5 донаси — “18-Автобус саройи” филиалига бириктирилган 85-сонли Қора қамиш 2/4 мавзеси—Тошкент МУМ;
- 2 донаси — “8-Автобус саройи” филиалига бириктирилган 67-сонли Юнусобод 19-даҳаси—Халқаро аэропорт-2;
- 1 донаси — “8-Автобус саройи” филиалига бириктирилган 91-сонли Юнусобод 15-даҳаси—Кўкча масжиди бекати;
- 2 донаси - “8-Автобус саройи” филиалига бириктирилган 95-сонли Юнусобод 15-даҳаси—Авиасозлар
- 1 донаси - “8-Автобус саройи” филиалига бириктирилган 118-сонли Чилонзор буюм бозори—Ўзпослсавдо.
Маълумот учун, 2023 йил 16 февралдаги “Жамоат транспорти тизимини ислоҳ қилиш чора-тадбирлари тўғрисида”ги президент қарорига асосан, Тошкент шаҳри жамоат транспорти учун 200 дона 18 метрли ва 500 дона 12 метрли табиий газда ишлайдиган автобуслар ҳамда 300 дона 12 метрли электробуслар харид қилиш белгиланган.
Аввалроқ Хитойнинг Yutong Bus Cо Ltd компанияси ва “Тошшаҳартрансхизмат” ўртасида тузилган шартномага асосан, 2023 йилнинг март ойи якунига қадар Yutong автобусларнинг 1-партияси, яъни, 110 дона автобус ва 150 дона электробуслар Ўзбекистонга етказиб берилиши кутилаётгани тўғрисида хабар берилганди.
Изоҳ (0)