Қорақалпоғистонда фермер хўжалиги ерини ёқиб юборган шахс қарийб 8,5 миллион сўм зарар етказди. Бу ҳақда Элликқалъа тумани Экология ва атроф-муҳитни муҳофаза қилиш бўлим бошлиғи хабар берди.
Хабарга кўра, 6 март куни ижтимоий тармоқларда Элликқалъа тумани “Ўйсаланг 2” ҳудуди темирйўл ёнида қуриган ўтлар ва дарахтлар ёқиб юборилгани юзасидан мақола эълон қилинган. Туман Экология ва атроф-муҳитни муҳофаза қилиш бўлими инспекторлари томонидан ҳолат ўрганилди.
Аниқланишича, “Думанқала” МФЙ ҳудудида Ўйсаланг аҳоли пунктида яшовчи фуқаро З.У. томонидан “Нематжон Нодирбек” фермер хўжалигининг экишлик контуридаги буталар ёқиб юборилган. Ушбу ҳолат юзасидан фуқарога нисбатан Маъмурий жавобгарлик тўғрисидаги кодекснинг 79-моддаси 1-қисми билан маъмурий баённома расмийлаштирилди.
Унинг ўсимлик дунёсига келтирган зарари 8 400 000 сўм ҳисобланди.
Изоҳ (0)