Иқтисодиёт ва молия вазирлиги 2023 йил учун тасдиқланган бюджетга бағишланган навбатдаги “Фуқаролар учун бюджет” Ахборот нашрини жамоатчиликка тақдим қилди.
Вазирликнинг таъкидлашича, глобал ўзгаришлар ҳисобига юқори даражадаги ноаниқликнинг сақланиб қолиниши Давлат бюджетини шакллантириш ва асосий макроиқтисодий кўрсаткичларни прогнозлаштиришни мураккаблаштирган.
2023 йилда ички талабнинг фаол сақланиб қолишига қарамай иқтисодий ўсишнинг секинлашиши прогноз қилинмоқда. Иқтисодий ўсиш 2022 йилдагига нисбатан пастроқ, яъни 5,3 фоизга прогноз қилинмоқда.
Иқтисодий фаолликнинг тикланиши ҳисобига мос равишда 2024—2025 йилларда иқтисодий ўсиш 5,6 ва 6 фоизгача кўтарилади.
Бироқ, ноаниқликлар сақланиб қолинаётган шароитда турли омилли хатарлар мавжудлиги ҳисобига ушбу прогнозлар беқарорлигича қолмоқда.
.jpg)
Иқтисодиётнинг барча асосий тармоқларида ўсиш суръати секинлашиши кутилмоқда. Саноатнинг ўсиши 2023 йилда 5,1 фоизгача, қурилиш 6 фоизгача ва хизматлар соҳаси 6,7 фоизгача секинлашади.
Кейинги йиллардаги прогнозларга кўра, иқтисодиётнинг хизматлардан бошқа барча асосий тармоқларида ўсиш кўрсаткичлари нисбатан яхшироқ бўлади.
Изоҳ (0)