Режиссёр Даррен Аронофскининг “Кит” драмаси кутилганидан кўпроқ натижани қайд этди ва бутун дунё бўйлаб 30 миллион доллар миқдорида даромад тўплади. Бу лойиҳанинг дастлабки бюджетидан ўн баробар кўп, яъни фильмга 3 миллион доллар маблағ сарфланган.
.jpg)
Шимолий Америкадаги ва халқаро ҳудудлардаги кинотеатрларнинг ҳар бири 15 миллион доллардан даромад келтирди. Мексикадаги томошабинлар “Кит” фильмига алоҳида қизиқиш билдирди, у ерда фильм дебюти дам олиш куни якунлари бўйича кассада биринчи ўринни эгаллади.
“Кит” фильми драматург Семюел Хантернинг худди шу номдаги песаси асосида суратга олинган, шунингдек у лойиҳанинг сценарий ёзувчилари қаторида ҳам бўлган. Сюжет марказида семиз инглиз тили ўқитувчиси Чарли (лойиҳада бу образни Брендан Фрэйзер гавдалантирган) туради. Чарли ўлимидан олдин бир пайтлар ташлаб кетган ўсмир қизи Элли (Седи Синк ижросида) билан ярашиш учун унга вақт ажратишни истайди.
Шунингдек фильмда Хонг Чау, Тай Симпкинс ва Саманта Мортон каби актёрлар рол ижро этган. Актёр Фрэйзер бу фильмдаги роли учун “Оскар” номинациясига, шунингдек, Америка актёрлар гилдияси мукофоти ва “Танқидчилар танлови” мукофотларига сазовор бўлди.
Изоҳ (0)