Вазирлар Маҳкамаси ҳузуридаги Хорижий тилларни ўрганишни оммалаштириш агентлиги директорининг икки ўринбосари лавозимидан озод қилинди.
Вазирлар Маҳкамасининг тегишли қарорига кўра:
- Санжар Обидов Хорижий тилларни ўрганишни оммалаштириш агентлиги директорининг ўринбосари лавозимидан озод қилинди ва унга Вазирлар Маҳкамаси ҳузуридаги Хорижий тилларни ўрганишни оммалаштириш агентлиги директори вазифасини вақтинча бажариш юклатилгани бекор қилинди.
- Азимжон Хусанов Хорижий тилларни ўрганишни оммалаштириш агентлиги директорининг ўринбосари лавозимидан озод қилинди.
Эслатиб ўтамиз, Ўзбекистонда Хорижий тилларни ўрганишни оммалаштириш агентлиги ташкил этилиши ҳақида 2021 йил 6 май куни Шавкат Мирзиёев раислигида ўтказилган йиғилишда маълум қилинганди. “Агентлик, энг аввало, дунёда самарали натижа берган ўқитиш методикалари, дастур ва дарсликларини боғча, мактаб, лицей, олийгоҳ ва ўқув марказларида жорий этиб, хорижий тилларни мукаммал ўзлаштиришга кўмаклашади”, — деган эди президент.
Шу йилнинг 20 майида Азимжон Хусанов ва Санжар Обидов Вазирлар Маҳкамаси ҳузуридаги Хорижий тилларни ўрганишни оммалаштириш агентлиги директорининг ўринбосарлари этиб тайинланганди.
Изоҳ (0)