Вазирлар Маҳкамасининг 27 февраль 82-сонли қарори билан Шарифбек Ҳасанов Маданий меросни ҳимоя қилиш инспекцияси бошлиғи лавозимидан озод этилди, деб хабар беради ЎзА.
Шунингдек, Икром Ахматович Сарибоев Маданий меросни ҳимоя қилиш инспекциясининг Маданий мерос объектларини сақлаш ва асрашга доир ишларни назорат қилиш масалалари бўйича бош мутахассиси лавозимидан озод қилинган.
Эрмат Аширбаев эса Вазирлар Маҳкамаси Маҳаллий саноатни ривожлантириш ва кооперация алоқалари масалалари котибияти Maxсус иқтисодий ва кичик саноат зоналари ҳамда ёшлар саноат ва тадбиркорлик зоналарини ривожлантириш масалалари шуъбасининг Кичик саноат зоналари ҳамда ёшлар саноат ва тадбиркорлик зоналарини ривожлантириш масалалари бўйича бош мутахассиси лавозимидан озод этилди.
Аввалроқ Вазирлар Маҳкамасининг ижро этувчи тузилмаси янгидан тасдиқлангани ҳамда бошқа ишга ўтишлари муносабати билан қатор ходимлар лавозимидан озод қилинганди.
2022 йил декабрь охирларида Шавкат Мирзиёев “Янги Ўзбекистон маъмурий ислоҳотларини амалга ошириш чора-тадбирлари тўғрисида”ги фармон ва унинг ижросини самарали ташкил этиш бўйича қарорни имзолаганди. Унга кўра, ҳукуматда амалдаги 8 нафар бош вазир ўринбосари ва 3 нафар бош вазир маслаҳатчиси лавозимларидан фақат 4 нафар бош вазир ўринбосари қолдирилмоқда.
Изоҳ (0)