Саудия Арабистони Осиё ва Европа учун нефть нархини оширди. Хусусан, асосий турлардан бири бўлган Араб Light нефтининг нархи минтақавий кўрсаткичдан бир баррел учун 2,5 доллар ва март ойидаги кўрсаткичдан 50 сентга кўтарилди. Бу ҳақда Bloomberg хабар бермоқда.
Сауди Aramco иккинчи ой кетма-кет Осиё учун нархларни оширмоқда. Шимоли-ғарбий Европадаги истеъмолчилар учун нархлар бир баррел учун 1 долларга, Ўрта Ер денгизи учун 0,3 долларга юқорилади. АҚШдаги истеъмолчилар учун нархлар эса ўзгаришсиз қолди.
Aramco Осиёдаги хом нефть таъминотининг қарийб 60 фоизини, асосан узоқ муддатли шартномалар бўйича сотади. Хитой, Япония, Жанубий Корея ва Ҳиндистон Саудия Арабистонидан энг йирик нефть импорт қилувчилар ҳисобланади.
2022 йилда Саудия Арабистонининг нефть даромадлари ўн йилликдаги энг юқори кўрсаткичга — 326 миллиард долларга етди. Шу билан бирга, Саудия Арабистони ялпи ички маҳсулоти йил давомида 8,7 фоизга ўсди, бу G20 мамлакатлари орасида энг тез ўсишдир.
Изоҳ (0)