Жаҳон бозорида нефть нархи тушиб кетди

Лондон ICE биржасининг савдо маълумотларига кўра, Brent ва WTI маркали нефть нархи кескин тушиб кетди. Бу БААнинг ОПЕКдан чиқиш режалари ҳақидаги хабари фонида юз берди. Бу ҳақда “Коммерсант” хабар бермоқда.

Савдо маълумотларига кўра, Тошкент вақти билан соат 15:25 ҳолатига кўра, Brent учун май фючерслари нархи 2,1 фоизга пасайиб, 82,97 долларни ташкил этган. Максимал нарх бир баррел учун 82,41 долларга (-2,8 фоиз) тушди.

Тошкент вақти билан соат 15:25 гача апрель ойида етказиб бериш учун WTI фючерсларининг нархи бир баррел учун 2,25 фоизгатушиб, 76,4 доллар бўлган. Максимал пасайиш бир баррел учун 75,88 долларни ташкил этди (-2,9 фоиз).

3 март куни эрталаб WSJ Амирлик расмийларига таяниб, БААда ОПЕКдан чиқиш бўйича ички муҳокамалар олиб борилаётгани ҳақида хабар берди.

Газетанинг ёзишича, ҳукуматдаги айрим кишилар мамлакатнинг юқори ишлаб чиқариш қувватига қарамай, ОПЕК аъзоси сифатида нефть қазиб олишни камайтиришга мажбур бўлганидан норози.