Қаттиқ совунни кўришингиз мумкин бўлган ягона жой ювиниш хонаси бўлса-да, у гигиена билан боғлиқ бўлмаган бошқа кўплаб ишларга ёрдамчи.
Совун қанчалик фойдали?
Совуннинг асосий мақсади — душ ёки ювиниш хонасида ишлатишдан ташқари кўплаб бошқа хусусиятларга эга. Ундан уйда ҳам, ташқарида ҳам унумли фойдаланса бўлади. Ҳали ҳам фақат ваннахонада совун сақласангиз, уйнинг ҳар бир хонасида совун бўлиши жуда яхши ғоя эканини билишингиз керак.
Ҳашарот чақиши
Агар ҳашарот чақиши сизни безовта қилса, бир бўлак совунни ҳўлланг ва чаққан жойга суртинг.
Чийиллашга қарши
Эшиклар, тортмалар ёки полларнинг чийиллашини йўқ қилиш учун совуннинг янги бўлагини чийиллаётган жойга (илгакларга) суртинг.
Кўзойнаклар терлашининг олдини олиш
Кўзойнакларингиз терлайдими? Уларга қуруқ совунни ишқаланг, сўнг тоза мато билан артиб олинг. Худди шу усул ҳаммом ойнасининг парланишининг олдини олиш учун ҳам ишлатилади.
Қаттиқ чиркларни кетказиш учун
Мисол учун, деразаларга ёпишиб қолган ҳар қандай нарсаларни совун билан “ёғлаб”, уни осонгина кетказиш мумкин. Фақат қуруқ совун билан ишқаланг.
Ёмон ҳидларни йўқ қилади
Хушбўй шамлардан фойдаланиш ўрнига, қаттиқ совунни ёқимли ва янги ҳид бўлишини хоҳлаган жойда қолдириб, шкаф, тортма ёки жомадонингизни янгиланг.
Доғларни кетказади
Ёқангизда сариқ доғ ёки кийимингизда бошқа доғ бўлса, кир ювиш машинасида ювишдан олдин уни совун билан ишқаланг, сўнгра машина ичига қўйинг.
Боғдорчиликда
Совун ёрдамида боғингиздаги ҳашаротлар, сичқон ва бошқа зараркунандаларни йўқ қилинг. Ўсимликларни ҳимоя қилиш учун совуннинг ярмини кесиб олинг ва ҳар бир бўлакни металл таёққа ёпиштиринг, сўнгра уларни зараркунандалар пайдо бўлиши мумкин бўлган боғнинг турли жойларига қўйиб чиқинг. Бундан ташқари, совун ярмини ипларга боғлаб осиб қўйишингиз мумкин.
Қаттиқ поябзал
Янги сотиб олинган поябзалнинг қаттиқ териси оёғингизни пуфакчалар билан қийнаяптими? Совунни ишқаланишга олиб келадиган жойларга, масалан, тепа ва оёқ бармоқларининг ички қисмига суртиб чиқинг.
Михни ёғланг
Михларни болғалашни бошлашдан олдин уларни ёғочга осон кириши учун совун суртинг. Худди шу нарсани бошқа асбоблар, тикув игналари ва бошқа буюмларда қилиш мумкин.
Белгилаш учун совундан фойдаланинг
Тикиш пайтида сиз кесилган чизиқларни белгилашингиз керак бўлса, бўр ёки маркер ўрнига ингичка қуруқ совунни ишлатинг. У осонгина ювилади ва ҳеч қандай из қолдирмайди.
Мавзуга доир:
- Совун қолдиқларидан самарали фойдаланиш учун 20 та лайфхак
- Уй шароитида пашшалардан қутилишнинг энг оддий усуллари
Изоҳ (0)