АҚШ давлат котиби Энтони Блинкен 28 февраль куни Тошкентга келди. Бу ҳақда “Дарё” мухбири хабар берди.
Юқори мартабали меҳмонни Ўзбекистон ташқи ишлар вазири вазифасини бажарувчи Бахтиёр Саидов ва АҚШнинг мамлакатдаги элчиси Жонатан Ҳеник кутиб олган.
Энтони Блинкен Ўрта Осиё минтақасидаги бешта давлат (Қозоғистон, Қирғизистон, Тожикистон, Туркманистон ва Ўзбекистон) вакиллари билан учрашишни мақсад қилган. Ўзбекистонга ташрифидан аввал у Қозоғистонда бўлган.
Ўзбекистон ташқи ишлар вазири Бахтиёр Саидов бошчилигидаги делегасия 28 февраль куни Қозоғистоннинг Остона шаҳрига жўнаб кетганди. Шаҳарда Ўзбекистон, Қозоғистон, Қирғизистон, Тожикистон, Туркманистон ва АҚШ ташқи сиёсат идоралари раҳбарлари иштирокида C5+1 шаклидаги учрашув бўлиб ўтган.
Изоҳ (0)