Аи-80 нархлари ошиши кутилмоқда: Тошкентда кунлик бензин нархлари эълон қилинди

UNG Petro 27 февраль куни Тошкент шаҳрида бензин қуйиш шохобчаларидаги нархларни эълон қилди.

Унга кўра, ҳеч қайси шохобчада Аи-80 5 700 сўмдан сотилмаяпти. Энг арзон нархни UNG Petro ва Tatneft таклиф қилмоқда — 6 000 сўмдан. Аи-80 учун энг юқори нарх — 6 300 сўм Mustang ва Интран Сервисъда.

Аи-92 одатда UNG Petro’да энг паст нархда бўлар эди. Бироқ бу сафар IBR Petroleum Station ва Mustang уни 9 000 сўмдан таклиф қилмоқда. 

Энг арзон Аи-95 ҳамон UNG Petro’да сотилмоқда — 10 100 сўм. Tatneft’да эса бу турдаги бензин энг қиммат — 14 000 сўмдан сотилмоқда. 

1 мартдан бошлаб Аи-80 нархи кўтарилиши кутилмоқда. Ушбу турдаги бензин нархи 2022 йил 10 декабрдан бошлаб акциз солиғи бекор қилингани сабаб 5 700 сўмгача пасайган эди. Акциз солиғини “ноль” ставкада қўллаш муддати 1 мартда ўз якунига етади.