Ai-80 narxlari oshishi kutilmoqda: Toshkentda kunlik benzin narxlari e’lon qilindi

UNG Petro 27-fevral kuni Toshkent shahrida benzin quyish shoxobchalaridagi narxlarni e’lon qildi.

Unga ko‘ra, hech qaysi shoxobchada Ai-80 5 700 so‘mdan sotilmayapti. Eng arzon narxni UNG Petro va Tatneft taklif qilmoqda — 6 000 so‘mdan. Ai-80 uchun eng yuqori narx — 6 300 so‘m Mustang va Intran Servis’da.

Ai-92 odatda UNG Petro’da eng past narxda bo‘lar edi. Biroq bu safar IBR Petroleum Station va Mustang uni 9 000 so‘mdan taklif qilmoqda. 

Eng arzon Ai-95 hamon UNG Petro’da sotilmoqda — 10 100 so‘m. Tatneft’da esa bu turdagi benzin eng qimmat — 14 000 so‘mdan sotilmoqda. 

1-martdan boshlab Ai-80 narxi ko‘tarilishi kutilmoqda. Ushbu turdagi benzin narxi 2022-yil 10-dekabrdan boshlab aksiz solig‘i bekor qilingani sabab 5 700 so‘mgacha pasaygan edi. Aksiz solig‘ini “nol” stavkada qo‘llash muddati 1-martda o‘z yakuniga yetadi.