Америкалик сенаторлар Роберт Менендес (демократ) ва Жеймс Риш (республикачи) президент Жо Байден маъмуриятини авиакомпанияларга, жумладан, Хитой авиакомпанияларига Россия ҳудуди орқали АҚШга учишини тақиқлашга чақирди. Бу ҳақда Reuters агентлиги Сенат аъзоларининг АҚШ давлат котиби Энтони Блинкен ва транспорт вазири Пит Буттижи, шунингдек, миллий хавфсизлик бўйича маслаҳатчи Жейк Салливан номига йўлланган мактубига таяниб хабар бермоқда.
Бундан ташқари мактуб муаллифлари “АҚШ фуқароларини ва мамлакатда доимий яшовчи шахсларни Россия орқали парвоз қилишдан қатъий ва оммавий равишда қайтаришни” ҳамда америкалик амалдорларга Россия ҳаво ҳудудидан ўтадиган авиакомпанияларда расмий сафарлар учун парвоз қилишни тақиқлашни сўраган.
Reuters хабарида айтилганидек, Америка авиаташувчилари ҳозирда АҚШдан Шанхайга Жанубий Кореянинг Инчхон шаҳри орқали, Хитой авиакомпаниялари эса АҚШга тўғридан тўғри Россия орқали учади.
Мактуб муаллифларига кўра, мавжуд вазият “Россия билан бизнес юритишни хоҳловчи” бошқа мамлакатларнинг авиаташувчилари билан солиштирганда “АҚШ авиакомпанияларини рақобатбардош ҳолда қолдиради”. Америка авиакомпаниялари, жумладан American Airлинес, United Airлинес ва Delta Air Lineс ташаббусни қўллаб-қувватлаган.
Украинада ҳарбий ҳаракатлар бошланганидан сўнг, март ойи бошида АҚШ, Европа Иттифоқи ва бошқа айрим давлатлар Россиядан учадиган самолётлар учун осмонини ёпди. Парвозларни тақиқлаш йўловчи ва юкларга, шунингдек, чартер ва мунтазам рейсларга таъсир кўрсатди. Россия бунга жавобан 30 дан ортиқ мамлакат, жумладан, Европа Иттифоқи давлатларидан келувчи парвозларни тақиқлади.
Изоҳ (0)