Toshkentdagi o‘yingohda 3 yoshli bolaning boshi jarohatlandi

Toshkent shahri Chilonzor tumanidagi savdo-ko‘ngilochar majmuasida 17-fevral kuni 7 yoshli bolaning boshi jarohatlandi. Bu haqda uning onasi Facebook’dagi “Potrebitel.uz” guruhida xabar qoldirdi.

Qayd etilishicha, oila soat 17:40 da o‘g‘lining tug‘ilgan kunini nishonlash maqsadida maydonchaga borgan, soat 17:47 da esa bolaning boshi suv quvuriga tegib yorilgan. U maydonchadan 3 sm chuqurlikdagi jarohati bilan qonga belangan holda chiqqan.

Tog‘-kon, geologiya va sanoat xavfsizligini nazorat qilish inspektsiyasi mutaxassislari tomonidan holat yuzasidan o‘rganish o‘tkazilgan hamda “Atlas” savdo-ko‘ngilochar majmuasidagi Pixel maydonchasi bolalar o‘ynashi uchun xavfsiz holatga keltirildi va kelgusida bunday holatlarga yo‘l qo‘ymaslik bo‘yicha ko‘rsatmalar berilgan.