Бу газаклар нафақат вазнга салбий таъсир қилади, балки ухлаб қолишга ҳам халал беради. Агар уйқудан олдинги овқатланиш одатидан бутунлай воз кеча олмасангиз, ҳеч бўлмаганда кечки менюдан ушбу маҳсулотларни чиқариб ташланг. Аммо шуни ёдда тутиш керакки, куннинг охирги овқати ётишдан икки-уч соат олдин қабул қилинган бўлиши керак – албатта, ўз саломатлигингиз учун.
Ёғли қовурилган овқат
Организм углеводлар ва ҳатто, оқсилларни қайта ишлашдан кўра ёғли овқатларни ҳазм қилиш учун кўпроқ вақт сарфлайди. Кечки овқат учун қовурилган картошка ёки ёғли балиқ истеъмол қилсангиз, кечаси ухлаш ўрнига организм кечки овқатни ҳазм қилиш билан банд бўлади. Эрталаб эса уйғониш сиз учун қийин жараёнга айланади.
Аччиқ таомлар
Биринчидан, аччиқ таом ва зираворлар ошқозон шиллиқ қаватини безовта қилади ва жиғилдон қайнашига олиб келади. Иккинчидан эса зираворлар гистаминларни чиқаради, бу эса ўз навбатида уйғонишга ёрдам бериб ва уйқуни бузади.
Товуқ ва курка гўшти
Парҳез боп ёғсиз гўшт — бу кечки тамадди учун ажойиб вариант бўлиб туюладими? Бошқача бўлиши мумкинми? Биз истеъмол қиладиган протеин допамин ишлаб чиқаришга ҳисса қўшади. Допамин қувватлантирувчи ва энергия бериш хусусиятига эга. Шу боис, парранда гўштини тушлик вақтида еган яхшироқдир. Таомдан олинадиган ғайратингиз билан ҳамкасбларни ёки оила аъзоларингизни хурсанд қилинг.
Спиртли ичимликлар
Ҳаммаси оддий: ҳатто, бир стакан енгил вино ҳам уйқу сифатини 40 фоизга камайтиради. Кечқурун қанча кўп ичилса, тунги дам олиш шунчалик ёмон бўлади. Камига эрталаб уйғонганда эса ўзимизни ёмон ҳис қиламиз.
Шоколад
Шоколад таркибида кофеин бор. Уч дона тўртбурчак қора шоколадда чорак чашка кучли эспрессо қаҳвасидагидан кўпроқ кофеин мавжуд. Кечаси кофе ичасизми? Шунинг учун ҳам шоколад еманг.
Сув
Кечқурун намлик балансини тўлдиришга мажбур бўлмаслик учун кун давомида кўп суюқлик ичинг. Одатда, охирги стакан сувни ётишдан икки соат олдин ичиш керак. Акс ҳолда, кечаси уйғонишга тўғри келади.
Қувват берувчи ичимликлар
Бундай ичимликлар таркибида кофеин мавжуд. Шунингдек, спорт ичимликлари фаол ва кучли машқ қилишга ёрдам беради. Тушдан кейин спорт залига боришга одатланган бўлсангиз, машғулотлардан олдин ва кейин ичадиган ичимликлар таркибини диққат билан текширинг.
Мавзуга доир:
Изоҳ (0)