Бир нечта нотўғри қадамлар янги ва энг қиммат балиқнинг таъмини бузиши мумкин. Барча саъй-ҳаракатлар кетадиган кенг тарқалган хатолар ҳақида билиб олинг, деб ёзади “Новий очаг” нашри.
Биринчи хато: Балиқни қовуришда нотўғри идишлардан фойдаланасиз
Одатда, балиқ қовуриш учун ёпишмайдиган товага қўл узатасизми? Шошманг. Балиқни қовуриш учун зангламайдиган пўлатдан ёки чугун товалар анча яхшироқ. Мазали қарсилдоқ қобиқ яратишнинг асосий калити — барқарор ҳароратдир. Туби ингичка товаларда балиқни бундай қовуриш осон эмас.
Иккинчи хато: Ҳаддан ташқари намлик
Туз ва зираворлар сепиш ва ботиришдан аввал балиқни қоғоз сочиқ билан артиб, уни қуритишни унутманг. Ҳаддан ташқари намлик қарсилдоқ бўлиб қовурилишга ва тузли қоришманинг балиқ ичигача сингиб кетишига йўл қўймайди. Суви кўп балиқ кутилганидек мазали бўлиб қовурилмайди.
Учинчи хато: Товани яхшилаб қиздирмайсиз
Агар тайёр балиқ товага ёпишиб қолса ва бўлакланиб кетса, демак, қовуришдан олдин товани етарлича қиздирмагансиз. Балиқ қовураётганда ёғни тежаманг — усиз қарсилдоқ қобиқ ҳосил бўлмайди. Ва ортиқча ёғдан халос бўлиш учун тайёр балиқни қоғоз сочиқ устига қўйинг.
Тўртинчи хато: Қовуриш вақти
Балиқ жуда узоқ вақт қовурилса, у табиий серсувлигини йўқотади ва қуруқ бўлиб қолади. Бунга йўл қўймаслик учун яхшилаб қиздирилган товада тез қовуриш усулидан фойдаланинг. Агар қизил балиқни қовураётган бўлсангиз, гўштда оқ чизиқлар — айлана оқсил излари пайдо бўлганда уни оловдан олинг.
Бешинчи хато: Балиқни тез-тез айлантирасиз
Балиқ бўлакларини қизиб турган тозада 5-7 дақиқа қовуринг, шунда балиқ устида қобиқ пайдо бўлади ва балиқ соки ўзида қолади. Қовурилаётган балиққа тегманг ва қисқичларни ишлатманг. Бу билан юмшоқ гўштни осонгина майдалаб юборасиз ва уни қотириб қўясиз. Балиқни айлантириш учун юпқа капгир ёки бир жуфт санчқи кўпроқ мос келади.
Олтинчи хато: Балиқни нотўғри танлаш
Балиқнинг барча тури ҳам қовуриб пишириш учун мос эмас. Ёғли трескадан мазали таом ёки шўрва тайёрлаган афзал. Тилапияни эса маринад қилиш керак эмас. Бу балиқ гўшти нозик бўлиб пюрега айланмаслиги учун хамир ёки нон билан қовурилган бўлиши керак. Рецептда келтирилган кўрсатмаларга риоя қилинг ва балиқ турини ўзгартирмасликка ҳаракат қилинг. Акс ҳолда, ўзингиз истаган балиқ таомини тайёрлай олмайсиз.
Еттинчи хато: Балиқ терисини тозалаш
Балиқ терисини ёқтирмасангиз, уни ҳар доим ликопда қолдириш мумкин. Аммо қовуриш жараёнида уни олиб ташламаслик яхшироқдир. Товада балиқ парчаланиб кетмаслиги ва балиқ ёғни ўзига шимиб олмаслиги учун у териси билан қовурилиши зарур.
Мавзуга доир:
Изоҳ (0)