Қорақалпоғистоннинг Қонликўл туманида янги қурилаётган кўп қаватли уй зинапояси қулаб тушгани хабар берилганди. Маълум қилинишича, мазкур воқеа Қорақалпоғистон прокуратураси томонидан ўрганилмоқда.
Аниқланишича, ушбу массивда “Имарат қурилиш конструксия” МЧЖ томонидан амалга оширилаётган қурилиш жараёнида беш қаватли турар жойнинг 1-подездидаги зинапоя қулаб тушган. Ҳодиса оқибатида тан жароҳати олган шахслар бўлмаган.
.jpg)
“Мазкур ҳолат юзасидан прокуратура органларига келиб тушган тезкор маълумотга кўра, 2023 йилнинг 19 февраль куни ҳодиса жойи кўздан кечирилиб, терговга қадар текшириш ҳаракатларига киришилган. Ҳозирда бинонинг қурилиш жараёнида қонунчилик талабларига риоя этилиш ҳолати юзасидан қурилиш экспертизаси тайинланиб, текшириш ҳаракатлари амалга оширилмоқда”, — дейилади масъуллар изоҳида.
.jpg)
Қўшимча қилинишича, терговга қадар текширув устидан қатъий назорат ўрнатилган.
Изоҳ (0)