Тошкент вилояти Бўстонлиқ туманида хавфли ҳаракатлар қилиб, “авария” ҳолатини содир этган икки ҳайдовчи ушланди. Бу ҳақда Йўл ҳаракати хавфсизлиги бош бошқармаси ахборот хизмати хабар берди.
Хабарга кўра, икки Nexia-3 ҳайдовчилари Бўстонлиқ туманидан ўтган автомобиль йўлида турли хавфли ҳаракатлар қилиб, “авария” ҳолатини келтириб чиқарган. Йўл ҳаракати хавфсизлиги ходимлари эса уларни аниқлаб, тегишли тартибда чора кўрди.
“19 февраль куни Бўстонлиқ туманида ўртоқларим билан тоққа чиқиб кетаётган эдик. Йўлда ҳар хил монёврлар қилиб, қолганлар ҳаётига хавф солганим сабабли узр сўрайман. Менга тегишли чоралар кўрилди, жарималарни ўз вақтида тўлаб бораман”, — дейди улардан бири.
Шунингдек, иккинчи ҳайдовчи ҳам айбига иқрорлигини, бошқа бундай безорилик қилмаслигини айтган ва барчадан узр сўраган.
Изоҳ (0)