АҚШ Давлат котиби Энтони Блинкен юқори мартабали хитойлик дипломат Ван I билан учрашиб, ҳаво шари ва Россия борасида Хитойни огоҳлантирди. Бу ҳақда Sky News хабар берди.
Бир соат давом этган учрашув Германияда бўлиб ўтди, у ерда сиёсатчилар халқаро хавфсизликнинг энг долзарб масалаларини муҳокама қиладиган Мюнхен хавфсизлик конференциясида иштирок этди.
“Мен унга Хитойнинг суверенитетимизни, халқаро ҳуқуқни бузган ҳолда АҚШ устидан кузатув шари учиришни қабул қилиб бўлмаслиги ва бу ҳеч қачон такрорланмаслиги кераклигини тушунтирдим”, — деди Блинкен
Шунингдек , АҚШ Давлат котиби президент Жо Байденнинг Вашингтон “янги совуқ уруш” кутаётгани йўқлиги, балки мамлакат “ўз қадриятлари ва манфаатларини уялмасдан ҳимоя қилиши” ҳақидаги сўзларини такрорлади.
Блинкен учрашувда Вашингтон Хитой санкцияларни четлаб ўтиб, Россияга ҳарбий ёрдам етказиб беришни бошлашидан хавотирдалигини билдирди. Сиёсатчи Хитой Ташқи ишлар вазирлиги раҳбарини Россияга қурол етказиб берилган тақдирда қандай оқибатларга олиб келиши ҳақида огоҳлантирди ва бундай қадам АҚШ-Хитой муносабатларини анча мураккаблаштиришини қайд этди. Вице-президент Камала Харрис ҳам Хитой-Россия яқин ҳамкорлигидан хавотир билдирган.
4 февраль куни АҚШ ҳарбийлари Атлантика океани устида шарни уриб туширди. Кейинроқ АҚШ Давлат департаменти уриб туширилган шар электрон разведка ускуналари билан жиҳозлангани ва Хитой разведка дастурининг бир қисми эканини маълум қилганди.
Изоҳ (0)