“Ёш ўтиши билан ҳаммаси ўзгаради, лекин ҳаёт давом этади”. Моника Беллуччи табиий қаришни афзал кўришини тан олди

Моника Беллуччи 58 ёшда бўлса ҳам ажойиб кўринади ва пластик жарроҳларга боришга шошилмаяпти. Бундан ташқари, актриса сунъий гўзалликнинг ашаддий рақиби ва табиий қаришни афзал кўради.

Моника Беллуччи табиий қаришни афзал кўрган бир нечта юлдузлардан биридир. У пластик жарроҳларга мурожаат қилмайди, чунки актриса ёшлик абадий давом эта олмаслигига амин. Бундан ташқари, унинг ўзи шу ёши билан ҳам гўзалроқ бўлиш мумкин деб ҳисоблайди.

Моника Жин Лоллобрижида ва Софи Лорен рол ўйнаган оқ-қора фильмларни томоша қилишни яхши кўради. У ҳар доим уйғунликка интилишини тан олади. Афтидан, шунинг учун актриса ўз ёшидан анча ёшроқ кўринишга интилмаётгандир.

2016 йилда Беллуччи ўзининг сўнгги “Сомон йўли орқали” фильмини томоша қилди ва унинг кўзлари атрофида ажинлар кўринаётганини пайқади: “10 йил олдин улар йўқ эди. Мен ўзгарганимни кўраман, лекин “О, Худо! Қандай даҳшат!” демадим”. Йўқ, аксинча, буларнинг барчаси менга жуда мафтункор туюлади. Эҳтимол, 10 йилдан кейин бу даҳшатли эканлигини тушунарман, лекин ҳозирча ҳаммаси менга ёқади”.

У ҳар бир инсон пластик жарроҳликка мурожаат қилиш ёки қилмасликни ўзи ҳал қилиш ҳуқуқига эга деб ҳисоблайди. Аммо биров шундан хурсанд бўлса, нега мутахассислардан ёрдам сўрамаслик керак. Унинг бу борадаги фикрлари қуйидагича: “Пластик жарроҳнинг қўли тегмаган аёлни кўрганимда, унинг юзини кўтариш керак, деб ўйламайман ҳам. Аксинча, унинг нақадар мафтункор эканлиги ҳақида ўйлайман”.

Актриса учун энг яхши дам олиш — массаж ва юзни парвариш қилиш, бу процедураларнинг барчаси уни тинчлантиради. Беллуччи кунини совуқ душ билан бошлашни афзал кўради, чунки шунда тери эластикликни сақлайди ва Мониканинг кузатишларига кўра, ҳатто тортилади ҳам. У, шунингдек, термал сув ва тетиклантирувчи юз спрейидан фойдаланади.

Киноюлдуз унчалик ёрқин бўлмаган макияжни афзал кўради. Моника пардоз қилинмаган юзни кўпроқ ёқтиради ва бу унинг табиий гўзаллик мухлиси эканлигини яна бир бор тасдиқлайди.

Актриса лабларига алоҳида ғамхўрлик қилишини айтади. Интервьюда Моника шундай дейди: "Лабларим қурийди, шунинг учун уларни доимо намлайман. Дудоқлар жуда муҳим, чунки улар билан гаплашасиз, овқатланасиз ва ўпасиз”.

Беллуччи сочларига ҳам катта эътибор беради. У сочларига қуритгичлардан фойдаланмайди, шунингдек, сочларини ҳафтасига 2 мартадан кўп бўлмаган ҳолда ювади. Эҳтимол, шунинг учун сочлари бугунги кунда ҳам гўзаллиги билан ҳайратда қолмоқда.

Италиялик актриса ҳар куни спорт залига бормаслигини, нима ейишини ҳам назорат қилмаслигини тан олади: “Мен яхши формада бўлишим керак, лекин бу ориқ дегани эмас. Жадвалимга кўра, соат 5:00 да спорт залига бориш, соат 6:00 да эса суратга олиш майдончасида бўлишнинг умуман иложи йўқ. Бу шунчаки имконсиз”.

Моника ўзини овқат билан чекламайди, бундан ташқари у мазали таомларни истеъмол қилишни яхши кўради. Актрисанинг таъкидлашича, у ҳамма нарсани ейиши мумкин, лекин у буни оқилона чегаралар ичида қилади ва ҳеч қачон мазали нарсанинг ортиқчаси учун ўзини айбламайди: “Мен италияликман — овқатни яхши кўраман. Мен мутлақ овқат танламайман, лекин энг кўп италян таомларини яхши кўраман”. Аммо суратга олишдан олдин бир неча кило йўқотиш керак бўлса, у бироз камроқ овқат ейди — гўшт, балиқ ва сабзавотларни афзал кўради.

Ўзининг сўнгги интервьюларидан бирида актриса макарон ейишни ва пилатес машғулотларига боришни афзал кўришини, озиқ-овқат чекловлари ва машаққатли спорт машғулотлари унга мос келмаслигини айтади. “Мен ҳеч қачон озғин бўлмаганман — табиатан тўла аёлман”.

Худди шу интервьюда актриса шундай деди: “Ёшлигингизда Францияда Ла Беаутé ду диабле деб аталадиган нарсага эга бўласиз, яъни “иблисона гўзаллик”. Бу ёшликнинг гўзаллиги ва бу мутлақо табиийдир. Бироқ ёш ўтиши билан ҳаммаси ўзгаради, лекин буларнинг барчасига қарамай, ҳаёт давом этади. Танамиз қарийди ва биз у ёки бу тарзда курашишимиз керак. Ваҳоланки, агар қариган бўлсак, жуда омадлимиз, деб айтишимиз мумкин, чунки узоқ умр кўряпмиз. Аммо тана эгила бошлаганида, руҳ кўтарила бошлайди”.

“Ҳозирда ўзимни қулай ҳис қиляпман, лекин гўзаллигим учун эмас. Мен ҳақиқатан ҳам гўзал одамларнинг кўпини биламан, лекин уларнинг ҳаёти чидаб бўлмас даражада ва барчаси ўзларини ноқулай ҳис қилишади. Ахир қулайлик ҳисси ташқи кўринишингизга эмас, балки ўзингизни қандай ҳис қилаётганингизга боғлиқ”.