Ёзувчи, режиссёр ва актёрлар кўпинча ўз ишларига биз билганимиздан кўра кўпроқ вақт сарфлайдилар. Фильм ва телесериаллардаги майда ва аҳамиятсиз бўлиб кўринган деталлар турли мамлакатларнинг урф-одатлари ва маданиятига ойдинлик киритиши мумкин.
“Гарри Поттер ва ҳикматлар тоши”
Бу кадрни фақат британияликларгина тушунади. Ўқувчиларни факультетлар ўртасида тақсимлашда ғайриоддий нарса йўқ (гапирувчи шляпадан ташқари). Ушбу тизим Буюк Британиядаги мактаблар учун анъанавий ҳисобланади.
Ушбу Хогвартс анъанаси Жоан Роулинг томонидан ўйлаб топилмаган, балки Британиянинг реал ҳаётидан кўчирилган. Бу мамлакатдаги ўқувчилар ҳақиқатан ҳам ном, маълум бир логотип ёки ранг билан аталувчи уйларга бўлинади. Мусобақалар “уйлар” ўртасида ўтказилади ва натижаларига кўра баллар берилади.
“Гарри Поттер ва аланга кубоги”
Уизлилар оиласи, Гарри ва Гермиона билан бирга квиддич бўйича Жаҳон кубоги учун келганларида барча қулайликларга эга бўлган уйга ўхшаган чодирда тунашади. Бу саҳнада ҳам инглизлар учун ажабланарли нарса йўқ.
Туманли Албион аҳолиси кўп йиллар давомида юлдузлар остида ухлаш учун глампинг — “гламур лагер”ни афзал кўришади. Шунинг учун улар дам олиш учун кўп хонали чодирлар, мобил ошхоналар ва ҳоказолардан фойдаланишади.
“Рая ва сўнгги аждаҳо”
Мултфильм ижодкорлари бу масалага жиддий ёндашиб, Жануби-Шарқий Осиё бўйича турли мутахассислар: антропологлар, меъморлар, мусиқачилар, раққослар билан маслаҳатлашган.
Анъанавий Камбожа ва Филиппин услубида кийинган қаҳрамонлар, Вьетнамдаги сузувчи бозорлар, ноодатий архитектура — бу мультфильмдан минтақанинг маданий меросини ўрганиш мумкин.
“Миср шаҳзодаси”
Мултфильмда “Аll I Ever Wanted” қўшиғи янграганда, қаҳрамоннинг нигоҳи ўнгдан чапга силжиганини кўришингиз мумкин. Миср иэроглифларининг аксарияти шундай ўқилади.
“Моана”
Либослар бўйича дизайнерлар қаҳрамонларнинг кийимларини имкон қадар реал тасвирлашга ҳаракат қилишади. Maxсус тадқиқот гуруҳи уларга Полинeзия аҳолисининг кўплаб фотосуратлари ва видеоларини, шунингдек, мато ва заргарлик буюмларини олиб келади. Костюмларни яратиш жараёнига Самоа ва Тонга анъанавий кийимлари энг катта таъсир кўрсатади.
“Энканто”
“Энканто” анимацион мусиқий фильмида эркакларнинг анъанавий ўйин — таэхо ўйнаётганини кўриш мумкин. Бу Колумбиядаги улоқтириш спорти бўлиб, тахтанинг ўртасига 45 ° бурчак остида ўрнатилган металл дискни лой билан уришдан иборат.
“Уэнздей”
6-қисмда Уэнздей ёшлигида туғилган кунларни яхши кўрганини қисқача айтиб ўтади. У довдираб қолган маҳалла болалари кўз ўнгида ўргимчак пинятани синдириб, завқланарди. Шундай қилиб, ижодкорлар Уэнздейнинг мексикалик илдизларига ишора қилишади, чунки айнан Мексика замонавий пинятанинг ватани ҳисобланади.
Изоҳ (0)