Қорақалпоғистонда хизмат кўрсатган артист, хонанда Жаноб Расул 14 февраль куни пойтахтдаги меҳмонхоналарнинг бирида “Первая любов” номли қўшиғининг тақдимот маросимини ўтказди. Тақдимотга хонанданинг дўстлари ва шоу-бизнес вакиллари ташриф буюрди. Хонанданинг таклифига кўра, “Дарё” мухбирлари ҳам тақдимотда иштирок этиб, қизиқарли репортаж тайёрлади.
Премьеранинг бошида хонанда Жаноб Расул сўзга чиқиб премерани умуман бошқача ўтказишни режалаштирганини, бироқ Туркиядаги зилзила сабаб унинг умуман бошқача ўтказилиши ҳақида гапириб берди. Хонанда Туркиядаги зилзила жабрдийдаларига ёрдам бермоқчи эканини таъкидлаб тўрт кунда тайёр бўлган, зилзила талафотлари акс этган видеоролигини ва қўшиғини мухлисларига тақдим этди.
“Янги клипга 300 миллион сўмга яқин маблағ кетди. Премьерани тўхтатишимнинг сабаби зилзила воқеаларидан кейин ҳеч биримизнинг ичимизга бу нарса сиғмаяпти. Биз ҳам туркий миллатмиз. У ерда қанча ёш болалар ҳалок бўлди, ҳамма йиғлаётган пайтда биз бу нарсани тақдим этишга ботинмадик. Кўнглимизга сиғмади, шунинг учун қўлимиздан келганча ҳамдардлик билдиришни, ёрдам беришни ният қилдик.
“Шоу-бизнес вакилларини чақирганимнинг сабаби уларнинг ижтимоий тармоқдаги обуначилари, мухлислари кўп. Улардан яхшилик йўлида фойдаланишга қарор қилдим. Видеони ижтимоий тармоқлардаги саҳифаларига қўйиб беришса, буни кўпчилик кўради, улардан тушган маблағни Туркиядаги зилзиладан жабр кўрган инсонларга берамиз.
“Клипда балиқ зўр рол ўйнади. Балиқ сувсиз қийналиб ётиши керак эди, лекин ўлган балиқ ролини яхши ўйнаб берди, қимирламасдан ётди”, — дейди хонанда.
Зилзилага бағишланган видеороликдан сўнг хонанда ваъда қилганидек янги клипини премера иштирокчиларига тақдим этди, бироқ “Первая любов” таронасига ишланган клип маълум бир муддатдан кейин YouTube’га қўйилишини айтди.
Шундан сўнг хонанда премерага ташриф буюрган иштирокчилар, шоу-бизнес вакилларининг иккита клип ҳақидаги фикрига қизиқди.
Ўзбек шоу-бизнес вакилларининг бир қатор вакиллари: инстаблогерлар: Dili.me, Бобур Мансуров, “Дизайн” кулги жамоаси аъзолари Саъдулла Фатхуллаев, Дилшодбек Мусабеков, шунингдек, актриса Феруза Норматова, актёрлар Дилшодбек Каттабеков, Азамат Аҳроров клиплар ҳақида фикр билдириб, хонанданинг кейинги ижодига омад тилади.
“Жаноб Расул билан биринчи марта ишлашимиз, янги клипда тасвирчи сифатида иштирок этдим. Клип режиссёри Азамат бўлди. Жаноб Расул билан қийинчиликка дуч келмадим, камера олдида ўзини тутиши яхши. У режиссёр талаб қилгандан ҳам кўпроқ нарсани қилиб берди. Келажакда яна у билан бирга ишлаш ниятимиз бор.
Клипдаги актёр, актриса масаласига келадиган бўлсак, ролларни бошқа актёрлар ижро этиши керак эди. Клипдаги актёрлар профессионал эмас, қийналган нарсамиз уларни сценарийга мослаштиришга ҳаракат қилдик”, — дейди Ёдгор Носиров.
“Ёшлигимиздан Жаноб Расулнинг қўшиқларини эшитамиз. Ҳамма қўшиқлари хит бўлади, бу клипларида ҳам ёндашув бошқача, хит бўлади деган умиддамиз”, — дейди инстаблогер Бобур Мансуров.
“Ашула яратилаётган вақтда клип воқеалари хаёлимга келди. Бастакор билан бирга қўшиқни яратганмиз. Клип суратга олиш жараёнлари Туркияда бўлиб ўтди. Келиб премерани эълон қилди, ундан кейин зилзила бўлди. Бу нарса Аллоҳнинг қудрати. Кейин Расул ака клип премерасини бекор қиламиз деди”, — дейди клип продюссер Азамат Таганов.
“Мен ҳеч қайси санъаткорни қўшиқларини сўзлари билан эслаб қола олмайман. Лекин ўша вақтда эшитганимда маза қилиб тинглайман. Жаноб Расулни жудаям энергияга бой инсон сифатида биламан. Айнан эркак хонандаларни ичида қўшиқларида қанақадир бошқача бир шижоат бор, бошқача характер билан айтади ва биттада шу радиода қўйиладими ёки бошқа жойдан чиқиб қоладими, телефонданми Ёутубеъданми дарров инсонни ўзига жалб қилиб оладиган, шунақа эътиборни тортиб оладиган қўшиқларни ижро қилади”, — дейди актриса Феруза Норматова.
“ Первая любов”нинг устида бир ярим ой ишладик. Яхши клип бўлди деб ўйлайман. Азамат акам билан бирга ухламасдан меҳнат қилдик. Бундан кейин ҳам яхши нарсаларни тақдим этишга ҳаракат қиламиз”, — дейди янги клип устида ишлаган ижодкор Тимур Шамсутдинов.
Премьера сўнгида хонанда барча иштирокчиларга миннатдорлик билдириб, маълум бир муддатдан кейин “Первая любов” клипини мухлисларига тақдим этишини ва Туркиядаги зилзила воқеаларини ўз ичига олувчи видеоклипни тарқатишда фаоллик кўрсатишни сўради.
Қуйида видеони тўлиқ томоша қилишингиз мумкин.
Изоҳ (0)