Ҳаммамизнинг қадрдон дўстларимиз бор, дўстлик вақт синовидан ўтади. Шундай машҳурлар борки, суратга олиш майдончасида танишиб, кўп йиллар ўца ҳам ҳамон бир-бирларини қўллаб-қувватлаб келмоқда.
Жулия Робертс ва Жорж Клуни
Актёрлар илк бор 2001 йилда чиққан “Оушенннинг ўн бир дугонаси” фильмида бирга рол ўйнашган. Кейинчалик улар яна 6 та фильмда бирга ишлади.
Жулия бу ҳақда шундай дейди: “Биз дарҳол дўстлашдик ва бутун умр дўст бўлиб қоламиз”. Клуни эса: “Учрашиб қолсак, хурсанд бўламиз. Мен ўз ишига жиддий ёндашадиган, шу билан бирга, ундан завқлана оладиган одамлар билан ишлашни ёқтираман”, дейди.
Брайан Кренстон ва Аарон Пол
Актёрлар машҳур “Breaking Bad” сериалида дўст бўлишади. Шоу 2013 йилда якунланди, бироқ ҳамкасблар яқин бўлиб қолишди ва бошқа лойиҳа бўйича бизнес шерикларига айланишди.
Аарон Пол шундай дейди: “Мен бир зумда бу одамни ёқтириб қолдим. У энг яқин дўстларимдан бирига айланди. Мен унга 100 фоиз ишонишим мумкин”. Брайан Кренстон эса: “Биз учрашганимизда Пол 20 ёшда эди, ҳозир эса 40 ёшда — ҳаммаси ўзгарди. У оила қуришга муваффақ бўлди, унинг аллақачон фарзанди бор эди. У мендан кўра бизнес ҳақида кўпроқ билади”, дейди. Пол ҳатто Кренстондан ўғлининг чўқинтирган отаси бўлишини сўраган.
Стив Мартин ва Мартин Шорт
Юқоридаги картина 1986 йилда чиқарилган “Уч амиго” фильмидан олинган. 35 йил ўтган бўлса ҳам, актёрлар биргаликда ишлашда ва дўст бўлишда давом этмоқда.
Интервьюларининг бирида Мартин Шорт уларнинг дўстлигининг сири ҳар доим ҳазиллашиб, бир-бирларининг ҳазилларига кулиб туришларида эканлигини айтади. Улар биргаликда кўп вақт ўтказишади ва кўпинча оилавий таътилга бирга боришади. “У ҳар сафар телефон рақамини ўзгартирганида, уни дарҳол таниб оламан”, — дейди Шорт.
Вуди Харрелсон ва Метю Макконаҳи
Вуди ва Метю 1999 йилда чиқарилган “Телевизордан чиққан Эд” фильмини суратга олиш пайтида дўст бўлишади. Улар яна HBO сериалидаги “Ҳақиқий детектив”да бирга ишлашди.
Вуди Харрелсон дўстлари билан таътилга чиқишни ёқтиради. Макконаҳи у ҳақда шундай дейди: “28 йиллик актёрлик фаолиятим давомида доимо алоқада бўладиган бир нечта яқин дўстларим бор ва Вуди улардан бири”.
Эмилия Кларк ва Жейсон Момоа
“Тахтлар ўйини” юлдузлари суратга олишнинг бошидаёқ дўст бўлишади. 1-қисм 2011 йилда эфирга узатилган ва Жейсон Момоа 2012 йилгача сериалда рол ўйнаган.
Актёрлар ҳали ҳам тез-тез кўришиб туради. Эмилия уларнинг бирга тушган суратини баҳам кўриб, шундай изоҳ қолдирган: “Қуёш ва юлдузларинг шаҳарга келганда, улар ҳали ҳам халисини кўтара оладими ёки йўқми текшириш керак”.
“Гарри Поттер” фильми актёрлари
Охирги фильм — “Гарри Поттер ва ажал туҳфаси. 2-қисм” 2011 йилда чиққан. Фильм чиққанига 10 йилдан ошган бўлса ҳам, актёрлар бир-бири билан алоқада.
Франшизада Луна Лавгуд ролини ўйнаган Эванна Линч ҳамкасблари билан тушган суратини бўлишди ва “Бу ҳазилкаш йигитларни учратиш бахтига муяссар бўлдим!” деб ёзди. Улар Фред, Жорж ва Жинни Уизли ролини ўйнаган Жеймс ва Оliveр Фелпс ва Бонни Райтлардир.
Жейн Фонда ва Лили Томлин
Жейн Фонда ва Лили Томлин 40 йилдан бери дўст. Иккаласи ҳам Долли Партон билан “Тўққиздан бешгача” фильмида рол ўйнаган.
Улар 2022 йилда тугаган “Грэйс ва Фрэнки” фильмида бирга рол ўйнашган. Интервьюда Жейн Фонда шундай дейди: “У мени ҳайратда қолдиради, у доимо кулгили ҳазил қилади. Мен уни яхши кўраман”.
Крис Эванс ва Скарлетт Йоханссон
Скарлетт ва Крис ўсмирликдан бери дўст. Актёрлар 2004 йилда “Энг яхши натижа” фильмида суратга тушишган.
Скарлетт Крис билан дўстлиги ҳақида шундай дейди: “Крис ва мен кўп йиллардан бери дўстмиз. Орамизда ажойиб дўстлик бор. Биз муносабатлар, оиламиз ва дунёдаги ҳамма нарса ҳақида соатлаб гаплаша оламиз”.
Изоҳ (0)