Monika Belluchchi 58 yoshda bo‘lsa ham ajoyib ko‘rinadi va plastik jarrohlarga borishga shoshilmayapti. Bundan tashqari, aktrisa sun’iy go‘zallikning ashaddiy raqibi va tabiiy qarishni afzal ko‘radi.
Monika Belluchchi tabiiy qarishni afzal ko‘rgan bir nechta yulduzlardan biridir. U plastik jarrohlarga murojaat qilmaydi, chunki aktrisa yoshlik abadiy davom eta olmasligiga amin. Bundan tashqari, uning o‘zi shu yoshi bilan ham go‘zalroq bo‘lish mumkin deb hisoblaydi.
Monika Jin Lollobrijida va Sofi Loren rol o‘ynagan oq-qora filmlarni tomosha qilishni yaxshi ko‘radi. U har doim uyg‘unlikka intilishini tan oladi. Aftidan, shuning uchun aktrisa o‘z yoshidan ancha yoshroq ko‘rinishga intilmayotgandir.
2016-yilda Belluchchi o‘zining so‘nggi “Somon yo‘li orqali” filmini tomosha qildi va uning ko‘zlari atrofida ajinlar ko‘rinayotganini payqadi: “10 yil oldin ular yo‘q edi. Men o‘zgarganimni ko‘raman, lekin “O, Xudo! Qanday dahshat!” demadim”. Yo‘q, aksincha, bularning barchasi menga juda maftunkor tuyuladi. Ehtimol, 10 yildan keyin bu dahshatli ekanligini tushunarman, lekin hozircha hammasi menga yoqadi”.
U har bir inson plastik jarrohlikka murojaat qilish yoki qilmaslikni o‘zi hal qilish huquqiga ega deb hisoblaydi. Ammo birov shundan xursand bo‘lsa, nega mutaxassislardan yordam so‘ramaslik kerak. Uning bu boradagi fikrlari quyidagicha: “Plastik jarrohning qo‘li tegmagan ayolni ko‘rganimda, uning yuzini ko‘tarish kerak, deb o‘ylamayman ham. Aksincha, uning naqadar maftunkor ekanligi haqida o‘ylayman”.
Aktrisa uchun eng yaxshi dam olish — massaj va yuzni parvarish qilish, bu protseduralarning barchasi uni tinchlantiradi. Belluchchi kunini sovuq dush bilan boshlashni afzal ko‘radi, chunki shunda teri elastiklikni saqlaydi va Monikaning kuzatishlariga ko‘ra, hatto tortiladi ham. U, shuningdek, termal suv va tetiklantiruvchi yuz spreyidan foydalanadi.
Kinoyulduz unchalik yorqin bo‘lmagan makiyajni afzal ko‘radi. Monika pardoz qilinmagan yuzni ko‘proq yoqtiradi va bu uning tabiiy go‘zallik muxlisi ekanligini yana bir bor tasdiqlaydi.
Aktrisa lablariga alohida g‘amxo‘rlik qilishini aytadi. Intervyuda Monika shunday deydi: "Lablarim quriydi, shuning uchun ularni doimo namlayman. Dudoqlar juda muhim, chunki ular bilan gaplashasiz, ovqatlanasiz va o‘pasiz”.
Belluchchi sochlariga ham katta e'tibor beradi. U sochlariga quritgichlardan foydalanmaydi, shuningdek, sochlarini haftasiga 2 martadan ko‘p bo‘lmagan holda yuvadi. Ehtimol, shuning uchun sochlari bugungi kunda ham go‘zalligi bilan hayratda qolmoqda.
Italiyalik aktrisa har kuni sport zaliga bormasligini, nima yeyishini ham nazorat qilmasligini tan oladi: “Men yaxshi formada bo‘lishim kerak, lekin bu oriq degani emas. Jadvalimga ko‘ra, soat 5:00 da sport zaliga borish, soat 6:00 da esa suratga olish maydonchasida bo‘lishning umuman iloji yo‘q. Bu shunchaki imkonsiz”.
Monika o‘zini ovqat bilan cheklamaydi, bundan tashqari u mazali taomlarni iste’mol qilishni yaxshi ko‘radi. Aktrisaning ta’kidlashicha, u hamma narsani yeyishi mumkin, lekin u buni oqilona chegaralar ichida qiladi va hech qachon mazali narsaning ortiqchasi uchun o‘zini ayblamaydi: “Men italiyalikman — ovqatni yaxshi ko‘raman. Men mutlaq ovqat tanlamayman, lekin eng ko‘p italyan taomlarini yaxshi ko‘raman”. Ammo suratga olishdan oldin bir necha kilo yo‘qotish kerak bo‘lsa, u biroz kamroq ovqat yeydi — go‘sht, baliq va sabzavotlarni afzal ko‘radi.
O‘zining so‘nggi intervyularidan birida aktrisa makaron yeyishni va pilates mashg‘ulotlariga borishni afzal ko‘rishini, oziq-ovqat cheklovlari va mashaqqatli sport mashg‘ulotlari unga mos kelmasligini aytadi. “Men hech qachon ozg‘in bo‘lmaganman — tabiatan to‘la ayolman”.
Xuddi shu intervyuda aktrisa shunday dedi: “Yoshligingizda Fransiyada La Beauté du diable deb ataladigan narsaga ega bo‘lasiz, ya'ni “iblisona go‘zallik”. Bu yoshlikning go‘zalligi va bu mutlaqo tabiiydir. Biroq yosh o‘tishi bilan hammasi o‘zgaradi, lekin bularning barchasiga qaramay, hayot davom etadi. Tanamiz qariydi va biz u yoki bu tarzda kurashishimiz kerak. Vaholanki, agar qarigan bo‘lsak, juda omadlimiz, deb aytishimiz mumkin, chunki uzoq umr ko‘ryapmiz. Ammo tana egila boshlaganida, ruh ko‘tarila boshlaydi”.
“Hozirda o‘zimni qulay his qilyapman, lekin go‘zalligim uchun emas. Men haqiqatan ham go‘zal odamlarning ko‘pini bilaman, lekin ularning hayoti chidab bo‘lmas darajada va barchasi o‘zlarini noqulay his qilishadi. Axir qulaylik hissi tashqi ko‘rinishingizga emas, balki o‘zingizni qanday his qilayotganingizga bog‘liq”.
Izoh (0)