Жиззах вилояти Ғаллаорол туманида тунги хизматга жалб этилган маҳалла нозири бегона аёл билан қўлга тушди. Вилоят ички ишлар бошқармаси ахборот хизмати ҳолат юзасидан маълумот берди.
Ижтимоий тармоқларда ИИБ ходими бегона аёл билан қўлга тушгани айтилган видео тарқалди. Мазкур маҳаллада яшовчилар ҳолатни видеога олиб, уларни “самосуд” қилишга уринган. Шу вақт ходим машинада кетиб қолган.
Вилоят ИИБ ахборот хизматининг хабарига кўра, ушбу тасвирларда 2023 йилнинг 15 февралида тунги хизматга жалб этилган Жиззах вилояти Ғаллаорол тумани ИИБ 2-сонли ИИБ ҳуқуқбузарликлар профилактикаси гуруҳи профилактика катта инспектори Ж.Х. акс этган.
Қайд этилишича, ушбу ҳолат юзасидан хизмат текшируви тайинланган. Барча иштирокчиларнинг ҳаракатларига ҳуқуқий баҳо берилади.
Изоҳ (0)