Changyutkich yordamida buyumlarni topish, bo‘sh qutilardan unumli foydalanish va ro‘zg‘or ishlarida asqatadigan boshqa layfxaklar (foto)

Ro‘zg‘or ishlari sira ham tugamaydi, lekin ularni osonlashtiradigan bir qancha layfxaklar mavjud, deb yozadi “Noviy ochag”.

Agar uyda zirak yoki boshqa kichik narsalar tez-tez yo‘qolsa, ushbu layfxak sizga yordam berishi shubhasiz. Oddiy changyutkich yordamida uni osongina amalga oshirish mumkin. Buning uchun changyutkich trubasining uchiga eski kolgotkaning bir qismi kiydiriladi. Keyin qurilma yoqilib, barcha burchak va mebellar ostida harakatlantiriladi. Kuchli havo oqimi yo‘qolgan barcha kichik taqinchoqlarni tortib oladi va trubaga o‘ralgan mato yuzasida saqlanib qoladi. Ushbu uslub orqali yana bir qancha mayda buyumlarni osongina topish mumkin.

Agar juda kichik va tor joy uchun changyutkich qulay bo‘lmasa, uning uchiga qog‘oz yoki sochiq o‘rab ham buni amalga oshirish mumkin.

Bolalar ovqati uchun mo‘ljallangan shisha idishchalarni tashlashga shoshilmaslik kerak. Ulardan tirnoqdagi lakni o‘chirishda samarali foydalanish mumkin.

Buning uchun shisha idish ichiga machalkani mos o‘lchamda kesib, solinadi va ustidan lak o‘chirishda foydalaniladigan vosita quyiladi. So‘ngra barmoq uchini machalkaga botirish orqali bo‘yoqni osongina o‘chirish mumkin. Foydalanib bo‘lingandan keyin idish qopqog‘i yopiladi. Uni bir necha marta ishlatish mumkin, chunki suyuqlik havoda bug‘lanib ketmaydi.

Bo‘shab qolgan ketchup idishi suyuq xamir uchun ayni muddao. Masalan, quymoq yoki oladyelar uchun tayyorlangan massa idish ichiga quyiladi. Pishirish mobaynida xamirni bir xil miqdorda va dumaloq ko‘rinishda tovaga quyish mumkin.

Bo‘sh yelim idish ham oshxona uchun foydali. Ayniqsa, uning yordamida tuxum sarig‘ini oqidan ajratish mumkin. Buning uchun idish siqilib, tuxum sarig‘ining ustiga olib borilgach, biroz qo‘yib yuboriladi. Shunda sariq qismi idishga so‘riladi va oqidan osongina ajraladi.

Tunukadan yasalgan choy qutilari bo‘shab qolgach, ulardan ham unumli foydalanish mumkin. Masalan, xushbo‘y hid taratuvchi shamlarni yasab, ularga solib qo‘ysa bo‘ladi.

Shokolad qutisidan esa shaklning katta kichikligiga mos ravishda, ilgak, igna va iplar kabi kichik buyumlarni saqlashda foydalanish mumkin.

Salfetka tamom bo‘lgach, uning qutisiga har qanday uydan topilishi mumkin bo‘lgan ortiqcha paketlarni solib qo‘yish tavsiya etiladi.

Tik-Tak shirinlik qutilariga esa tuz yoki boshqa ziravorlarni solib ishlatish yanada qulaydir.

Jufti yo‘qolgan paypoqlarni nima qilish mumkin, degan savol hammada ham bo‘lishi tabiiy. Lekin ulardan samarali foydalansa bo‘ladi. Masalan, qimmatbaho buyumlar qirilmasligi uchun uni omborda saqlab o‘tirishning keragi yo‘q. Ularga paypoq kiydirib, uzoq vaqt davomida zarar yetkazmaslikning imkoni bor.

Sopol idishlar singanida, o‘ylab ham o‘tirmasdan chiqindi qutisiga tashlanadi. Lekin bitta layfxak bilan ikki buyumni ham saqlab qolsa bo‘ladi. Masalan, singan sopol idishidan mozaika yasab, uni eski stol ustiga yopishtirish mumkin.

Shuningdek, singan idish yoki tuvak bormi, ular ham o‘simliklarga xizmat qila oladi. Buning uchun bog‘da o‘sayotgan turli xil o‘simliklarni bir-biridan ajatish uchun singan idishlar yarmigacha yerga ko‘miladi. Bu foydali bo‘lishi bilan birga, bog‘ga ham ajoyib ko‘rinish beradi.