Сурхондарёда фирибгарлик билан беш марта қамалган эркак яна шу жинояти учун ҳибсга олинди 

Сурхондарё вилояти Термиз шаҳрида фирибгарлик жиноятини содир этган 50 ёшли эркак олтинчи марта қамалди. Бу ҳақда ЎзА хабар берди. 

Хабарга кўра, 50 ёшли эркак А.Ж. 15 йил давомида бир хил жиноят — фирибгарлик билан беш маротаба судланган. Унга ҳар гал суд томонидан турли енгилликлар берилган: томонидан озодликни чеклаш жазоси, ахлоқ тузатиш иши жазоси қўлланилган. Бироқ у 2022 йил яна жиноят содир этиб, судланди. 

А.Ж. танишига тегишли бўлган автомашинада мева сотиш билан шуғулланиб келган. Танишига агар уни машинаси билан айтган жойига олиб борса кунига 200 минг сўмдан беришини ваъда қилган. Бир ойда ваъда бўйича унга 5 миллион 750 минг сўм бериши керак бўлган. Лекин А.Ж. пулларни бермай уни чув туширган. 

Бундан ташқари, у яна бир танишидан бир ҳафтада қайтариш шарти билан 12 миллион сўмдан ортиқ пул олган. Лекин пулни қайтармай, ўз эҳтиёжларига ишлатиб юборган. Шу билан бирга, А.Ж. мева етиштириш билан шуғулланиб келган Ангор туманида яшовчи деҳқонларни ҳам чув тушириб, уларга 53 миллион 736 минг 200 сўм миқдорида моддий зарар етказади. 

Ундан зарар кўрганлар ҳуқуқни муҳофаза қилувчи идораларга мурожаат қилган. Шундан сўнг А.Ж.га нисбатан олтинчи бор жиноят иши қўзғатилган. Судда айбланувчи айбига иқрорлик билдириб, пушаймон эканини билдирган. Жиноят ишлари бўйича Ангор тумани суди унга нисбатан тегишли жазо чораси тайинлади.