Ижтимоий тармоқларда Туркияда зилзиладан талафот кўрганларга юборилган инсонпарварлик ёрдамлари, хусусан, кийим-кечакларнинг эски ва яроқсизлиги, мавсумий эмаслиги, кўчада сочилиб ётгани акс этган видеолар тарқалди. “Ёшлар келажагимиз жамғармаси” матбуот хизмати раҳбари Аброрбек Маъруфжанов ўзбекистонликлар томонидан юборилаётган хайрия ёрдамлари координацияси ҳақида “Hudud 24”га маълумот берди.
“Туркияга инсонпарварлик ёрдами сифатида биринчи галда озиқ-овқат маҳсулотлари, болалар тагликлари ва иссиқ ёпинғичлар юборилди. Ёрдамга ошиққан фуқароларимизнинг фаросати юқори. Эски кийимлар деярли йўқ”, — деган у.
Аброрбек Маъруфжанов ҳаммаси назоратда эканлигини қайд этиб, нарсалар сараланиб, босқичма-босқич юборилаётганини, ҳозирда иситиш печлари, генераторлар, фонарлар жўнатилганини билдирди.
Савдо-саноат палатаси берган сўнгги ахборотга кўра, ҳозиргача ўзбекистонликлар ёрдами билан турк халқи учун керакли маҳсулотлар тўлдирилган 25 та юк машинаси (тахминан 550 та поддон) жўнатилган.
Туркиядаги зилзиладан жабр кўрганлар учун моддий ёрдам тўплаш 8 февралдан Тошкентнинг Яккасарой туманида жойлашган Тўқимачилик институти технопаркида амалга оширилаётганди.
Шавкат Мирзиёевнинг топшириғига асосан Tashkent Индех мажмуаси Туркияга юбориладиган инсонпарварлик ёрдами кўринишадаги маҳсулотлар йиғиладиган асосий база бўлади.
Изоҳ (0)