Ўзбекистонга учувчисиз учиш аппаратлари олиб келганлик учун жазо чоралари енгиллаштирилиши мумкин. Бу жамоатчилик муҳокамасига қўйилган 2023 йилги давлат дастури лойиҳасида қайд этилган.
.jpg)
Унга кўра, илк бор дронларни олиб кирувчилар учун жавобгарликни енгиллаштириш кўзда тутилган. Дастур тасдиқланса, дронларни, уларнинг бутловчи ва эҳтиёт қисмларини қонунга хилоф равишда олиб кириш, ўтказиш, олиш, сақлаш ёки улардан фойдаланиш ҳаракатларини биринчи марта содир этганлик учун маъмурий жавобгарлик белгиланади.
Ҳозирда Ўзбекистонда 2015 йил 1 январдан учувчисиз учадиган қурилмаларни олиб кириш, сотиш ва улардан фойдаланишга нисбатан тўлиқ тақиқ жорий этилган. Фақат рухсатномаси бор алоҳида юридик шахсларгина дронлардан фойдаланиши мумкин.
2018 йил май ойида Ўзбекистоннинг сайёҳлик салоҳияти ҳақида фото ва видеоматериаллар тайёрлаш учун хорижий ижодий гуруҳлар томонидан учувчисиз учадиган қурилмалар, хусусан, дронларни олиб киришга вақтинча рухсат берилган эди.
Изоҳ (0)