Жорий йилнинг январь ойида Ўзбекистонда апельсиннинг улгуржи нархлари динамикасида ўсиш тенденцияси кузатилмоқда. Бу ҳақда EastFruit хабар бермоқда.
Мазкур ҳолат ўтган йилларнинг шу даврига нисбатан мутлақо тескаридир.
2023 йилнинг 6 январидан 27 январига қадар Ўзбекистонда апельсиннинг ўртача улгуржи нархи 1 кг учун 12 мингдан 16 минг сўмгача, яъни охирги уч ҳафтада 33 фоизга ошган.
Таққослаш учун, ўтган йилнинг шу даврида ушбу маҳсулотнинг ўртача улгуржи нархи 13 фоизга, 2021 йилда эса 10 фоизга пасайган эди.
Апельсин нархлари 2023 йил январь ойида ўтган йилларга нисбатан бутунлай қарама-қарши тенденцияга эга.
Шу билан бирга, 2023 йилнинг 27 январь ҳолатига кўра, Ўзбекистонда апельсиннинг ўртача улгуржи нархи ўтган йилнинг шу санасига нисбатан 14 фоизга юқори, лекин 2021 йилнинг шу санасига нисбатан 11 фоизга паст.
Мамлакатда 2022 йили август ойининг ўрталаридан декабрь ойи охирига қадар апельсиннинг ўртача улгуржи нархлари (2022 йил ноябрь ойининг иккинчи ярми ва декабрнинг биринчи ўн кунлигини ҳисобга олмаганда), ўтган йилларнинг шу давридаги даражадан сезиларли паст бўлган.
Изоҳ (0)