Ўзбекистонда 2022 йилда энг кўп қайси автомобиль ишлаб чиқарилгани маълум бўлди

Ўзбекистонда 2022 йилнинг январь—декабрь ойларида 328 118 дона енгил автомобиль ишлаб чиқарилган. Бу ҳақда Давлат статистика қўмитаси хабар бермоқда.

Йил давомида Ўзбекистонда энг кўп Cobalt автомобили ишлаб чиқарилган — 101 617 дона. Cobalt 2021 йилнинг мос даврида ҳам энг кўп ишлаб чиқарилган автомобиль бўлган эди.

Бу борада иккинчи ўринда 87 105 дона билан Gentra автомобили бораётган бўлса, Damas 72 235 талик кўрсаткич билан учинчи бўлган. 

Январь—декабрь ойларида, шунингдек, қуйидаги автомобиллар ишлаб чиқарилган:

• Nexia — 22 245 дона;
• Spark — 14 464 дона;
• Tracker — 9 088 дона;
• Volkswagen Caddy — 423 дона;
• Maxсус енгил автомобиллар — 20 941дона.

Шунингдек, декабрь ойининг ўзида 11 378 та Cobalt, 6 627 та Gentra автомобили ишлаб чиқарилган. 

Бироқ декабрь ойидан бошлаб Lacetti, Cobalt, Damas ва Labo автомобилларига шартномалар қабул қилиш расман тўхтатилди.