Жорий йилги секин ўсиш суръатларига қарамай, глобал иқтисодий ўсиш прогнозлардан ошиб кетиши мумкин. Бу ҳақда Европа молия гуруҳи Nordea Bank’ка таяниб, Sinxua хабар берди.
Юқори инфляция уй хўжаликларининг харид қобилиятини пасайтирмоқда ва Скандинавия мамлакатларидаги кўчмас мулк бозорларида ўсишнинг кескин секинлашуви кузатилмоқда.
Бироқ Хельсинкида жойлашган банк маълумотларига кўра, сўнгги иқтисодий тенденциялар ҳайратланарли даражада ижобий бўлди ва 2023 йил ҳам ижобий кутилмаган ҳодисалар келтириши мумкинлиги ҳақида белгилар мавжуд.
“Иссиқ қиш Еврозона энергетика инқирозининг зарарли оқибатларини юмшатди ва бир қатор COVID 19 локдаунларидан кейин Хитойда иқтисодий фаолликнинг тез тикланиши мамлакатни глобал иқтисодиётнинг кучли двигателлари қаторига қайтарди” — деди Nordea Bank бош иқтисодчиси Туули Коиву.
Унинг сўзларига кўра, шундай бўлишига қарамай, хавфлар сақланиб қолмоқда. Меҳнат бозоридаги кескин вазият, шунингдек, АҚШ ва Еврозонада инфляциянинг ўсиши кескин пул-кредит сиёсатига қайтишга ва иқтисодий ўсиш суръатларининг секинлашишига олиб келиши мумкин.
Шу билан бирга, шимолий мамлакатларда иқтисодий ўсиш жорий йилда 0,5 фоизга пасаяди ва келгусида 0,9 фоизга ўсади, глобал иқтисодий ўсиш 2023 йилда 3,2 фоизни ва 2024 йилда 2,7 фоизни ташкил этади, дея хабар беради молия институти.
Изоҳ (0)