Xalqaro valyuta jamg‘armasi (XVJ) Ukrainaga 14-16 milliard dollar miqdorida ko‘p yillik yordam paketini taqdim etish imkoniyatini ko‘rib chiqmoqda. Bu haqda fonddagi manbalarga tayanib, Bloomberg xabar bermoqda.
Ushbu yordam dasturi necha yil ishlashiga aniqlik kiritilmagan. Agentlik manbalariga ko‘ra, Ukrainaga yordam ko‘rsatish bo‘yicha ko‘p yillik kelishuvga 2023-yilning mart oyida erishiladi.
Dastur davlat va xususiy kreditorlar tomonidan mamlakatga ko‘proq moliyaviy yordam ko‘rsatishga yordam berishi kutilmoqda.
Agar dastur tasdiqlansa, 2023-yilning aprel oyida Ukraina 5-7 milliard dollargacha mablag‘ oladi. Biroq dasturni amalga oshirish bir necha manbalarga bog‘liq bo‘ladi: G7 mamlakatlari va Ukraina kreditorlarining ma’qullashi.
Ta’kidlanishicha, reja yetarli darajada XVJga a’zo mamlakatlar tomonidan qo‘llab-quvvatlanmasa, jamg‘arma Ukrainani 1,3 milliard dollarlik tezkor moliyalashtirish vositasi bilan qo‘llab-quvvatlashi mumkin.
Ma’lumotlarga ko‘ra, Ukraina Moliya vazirligi bu haqda Bloomberg’ga izoh berishdan bosh tortdi. Biroq 26-yanvar kuni vazirlik tomonidan XVJdan “to‘liq huquqli” moliyaviy yordam dasturiga umid bildirilgan bayonot berdi.
Izoh (0)